‘विदेशी प्रभावका कारण बनेन संविधान’ ः एमालेले स्वेतपत्र जारी गर्ने

१८ श्रावण २०६९, बिहीबार २३:०४ मा प्रकाशित


काठमाडौं, १८ साउन । एमाले पूर्वसभासदहरुले बाह्य शक्तिका कारण संविधानसभाले संविधान बनाउन नसकेको आरोप लगाएका छन् । संविधान निर्माणमा थेग्नै नसक्ने गरी बाह्य हस्तक्षेप भएको उनीहरुको भनाई थियो । संविवधानसभा असफल हुनुका विभिन्न पक्षलाई समेटेर एमालेले तयार पार्न लागेको स्वेतपत्रका लागि बिहिबार पार्टी केन्द्रीय कार्यालयमा भएको छलफलमा पूर्वसभासदहरुले संविधान बन्न नदिन बाह्य शक्तिले माओवादीलाई उपयोग गरेको दाबी गरे । संविधानसभामा एकीकृत माओवादी ठूलो पार्टी भएपनि वैचारिक सून्यताका कारण विदेशी शक्तिको चंगुलमा फसेको उनीहरुको आरोप थियो ।
पार्टीहरुबीचको ध्रुवीकरणका कारण संविधानसभा निस्प्रभावी हुन पुगेको बताउंदै उनीहरुले सहमतिको बिन्दु स्पष्ट हुन नसक्नु संविधानसभा विघटन हुनुको मूख्य कारण रहेको दाबी गरे । एमाओवादीको गलत निर्णयकै कारण संविधानसभा विघटन भएको सबैजसो एमाले पूर्वसभासदहरुको ठहर थियो । छलफलमा पूर्वसभासदहरुले राज्यमा दलहरुले सन्तुलन कायम गर्न नसकेकाले समस्या बल्झिएको बताएका छन् ।
केन्द्रीय कमिटीको निर्णयअनुसार सचिव शंकर पोखरेलको संयोजकत्वमा गठित कार्यदलले स्वेतपत्र बनाउन बिहिबारबाटै काम सुरु गरेको छ । १५ सदस्यीय सो कार्यदलले संक्षिप्त र विस्तृत गरी दुईवटा स्वेतपत्र तयार पार्ने एमाले नेतहरुले बताएका छन् । एक महिनाभित्र सार्वजनिक गरिने स्वेतपत्रमा संविधानसभा विघटनको कारण, दलहरुको भूमिका र पार्टीका कमी–कमजोरी लगायतका विषय समेटिने छन् भने विस्तृत स्वेतपत्रमा संविधानसभाको अन्तर्राष्ट्रिय अनुभव, तिनीहरुको प्रभाव, विभिन्न दलका घोषणापत्रका कुरा तथा राष्ट्रिय–अन्तर्राष्ट्रिय गैरसरकारी संस्थाहरुको प्रभावलगायतका विषयहरु समेटिने एमालेले जनाएको छ । विस्तृत स्वेतपत्रचाहिं तीन महिनाभित्र तयार पार्ने बताइएको छ ।

प्रतिक्रिया
सम्बन्धित खवर

नेपालगन्ज । बाँकेको भेरी अस्पतालमा १९० नमुना परीक्षण गर्दा ५५.७८ प्रतिशतमा कोरोना पोजेटिभ देखिएको छ । पछिल्लो २४ घण्टामा १९०

बैतडी । हतौडा प्रहारबाट बैतडीमा आज एक बालकको हत्या भएको छ । दशरथचन्द नगरपालिका–१ झोकालीका १५ वर्षीय महेश भुलको हत्या

काठमाडौ । सरकारले शहरी क्षेत्रका विद्यालयहरु आगामी वैशाख मसान्तसम्म बन्द गर्न सिफारिस गरेको छ । कोभिड – १९ व्यवस्थापन केन्द्र

काठमाडौँ। प्रधानमन्त्री केपी शर्मा ओलीले कोरोना भाइरस (कोभिड–१९) को समस्या समाधानका लागि सबै दलसँग सहयोगको आग्रह गरेका छन् । प्रधानमन्त्री