इन्टरनेट प्रयोगकर्ताको सङ्ख्यामा दोब्बरले वृद्धि

१८ श्रावण २०६९, बिहीबार १८:५४ मा प्रकाशित

कञ्चनपुर, १८ साउन । कञ्चनपुरमा इन्टरनेट प्रयोगकर्ताको सङ्ख्यामा दोब्बर वृद्धि भएको छ । नेपाल टेलिकम शाखा कार्यालय भीमदत्तनगरका अनुसार गत वर्ष इन्टरनेट प्रयोगकर्ताको सङ्ख्या एघार हजारको हाराहारीमा रहेकामा हाल बढेर २२ हजार ६६७ पुगेको छ ।

मोबाइल प्रयोगकर्ताको सङ्ख्यामा भइरहेको बढोत्तरीसँगै इन्टरनेट प्रयोगकर्ता थपिँदै गएको नेपाल टेलिकम शाखा कार्यालय भीमदत्तनगरका सहायक इन्जिनियर तेजनारायण शर्माले बताउनुभयो । तारसहितको टेलिफोन सेवा विस्तार भएका क्षेत्रहरूमा एडिएसएल प्रविधिमा आधारित इन्टरनेट सेवा प्रयोगकर्ताहरूको सङ्ख्या अधिक रहेको सहायक इन्जिनियर शर्माले बताउनुभयो । यी दुवै इन्टरनेट सेवा नभएका क्षेत्रमा सिडिएमए प्रविधिबाट इन्टरनेट चलाइने गरिएको छ ।
कञ्चनपुरका १९ वटै गाविस र भीमदत्तनगरपालिका क्षेत्रका सम्पूर्ण क्षेत्रमा इन्टरनेट सेवाको पहँुच पुगेको सहायक इन्जिनियर शर्माले बताउनुभयो । नेपाल टेलिकम शाखाको तथ्याङ्कअनुसार एडिएसएल प्रविधिमा आधारित इन्टरनेट सेवा प्रयोगकर्ताको सङ्ख्या ६६७, जिपिआरएस प्रविधिमा आधारित इन्टरनेट प्रयोगकर्ता २० हजार र  सिडिएमए प्रविधिमा आधारित इन्टरनेटका प्रयोगकर्ता दुई हजार पुगेको छ ।

प्रतिक्रिया
सम्बन्धित खवर

काठमाडौँ । विदेशी वायुसेवा कम्पनीहरुले नेपाली आकाशमा उडान गर्दा अब दूरसञ्चार सेवा उपयोग गर्न पाउने भएका छन् । नेपाल दूरसञ्चार

नेपालको आफ्नै भू–उपग्रह (स्याटेलाइट) राख्न आवश्यक अध्ययनका लागि पाँच कम्पनी छनोट (सर्टलिस्ट) मा परेका छन् । स्याटेलाइटको अध्ययन गर्न नौ

जापानी अर्बपति युसाकु मेजावाले चन्द्रमा भ्रमण गर्नका लागि आठ जना सर्वसाधारणको खोजी गरिरहेका छन् । मेजावाले आफ्नो ट्वीटर अकाउन्ट मार्फत

सिड्नी । अष्ट्रेलियाले पहिलो पटक गुगल र फेसबुकले समाचार सामाग्री राखेबापत सम्बन्धित समाचार संस्थालाई पैसा तिर्नु पर्ने कानुन पारित गरेको