साथीको हत्या गर्नेलाई सर्वस्वसहित जन्म कैद फैसला

१८ श्रावण २०६९, बिहीबार १८:३७ मा प्रकाशित

भक्तपुर १८ साउन । एघार हजार रूपैयाँको लागि आफ्नै गाउँको साथीको हत्या गर्ने तीन जनालाई भक्तपुर जिल्ला अदालतले सर्वस्वसहित जन्म कैदको फैसला सुनाएको छ ।
गत वर्ष भदौ २६ गते राति भक्तपुरको छालिङ गाविस १ का २२ वर्षिय विशाल भनिने विश्वराम थापाको हत्या गरेर गाउँकै खुल्ला चौरमा खाल्डो खनेर पुर्ने स्थानीय तीन व्यक्तिलाई जिल्ला अदालतले बुधबार सर्वस्वसहित जन्मकैदको फैसला गरेको अधिवक्ता किरण थापाले बताउनुभयो । जिल्ला न्यायाधीश रामप्रसाद ओलीको इजलासले यस्तो फैसला सुनाएको हो । उनीहरूलाई डिल्लीबजार जेल लगिएको छ ।
खाल्डो खनेर पुरिएका अवस्थामा शव फेला परेको भक्तपुर छालिङ गाविस(१ का २३ वर्षीय विशालको हत्यामा संलग्नहरूलाई प्रहरीले पक्राउ गरी ज्यान मार्ने उद्योगअन्तर्गत मुद्दा चलाएको थियो । गत भदौ २३ गते शुक्रबार आमासँग पसलका लागि भनेर विशालले ११ हजार नगद लिएर गएका थिए । घर नजिकैको पसलमा रहेका उनकै साथीहरू छालिङ(१ का गोकर्ण थापा, सोही ठाउँका दीपक थापा र कुमार पहरीले उनको हत्या गरेको खुल्न आएको थियो । महानगरीय प्रहरी परिसर भक्तपुरले हत्याको आरोपमा दुईजनालाई पक्राउ गरेको थियो ।

प्रतिक्रिया
सम्बन्धित खवर

काठमाडौँ । कर्मचारी समायोजनसम्बन्धी विवादमा सर्वोच्च अदालतको फैसला सार्वजनिक भएसँगै लोकसेवा आयोगलाई सम्पूर्ण परीक्षा सञ्चालन गर्न बाटो खुलेको छ ।

काठमाडौँ । नेपाली कांग्रेसका नेता प्रदीप गिरीको निधन भएको छ । क्यान्सर रोगबाट पीडित नेता गिरीको आज राति ९:३० बजे

काठमाडौँ । देशभर आंशिकदेखि सामान्य बदली रही तीन प्रदेशमा भारी वर्षा हुने भएको छ । जल तथा मौसम विज्ञान विभागका

काठमाडौँ । काठमाडौँको बालाजुमा रहेको जुत्ता कारखानामा आगलागी भएको छ ।काठमाडौँ महानगरपालिका–१६ बालाजु बाइपास नजिकको एक घरमा केहीबेर अगाडि आगलागी