प्रधानमन्त्रीले टालेको प्वालबाट एक किलो ६ सय ग्राम सुन निस्कियो

२६ बैशाख २०७६, बिहीबार १६:१५ मा प्रकाशित

मकवानपुर, २६ बैशाख । मकवानपुर प्रहरीले एक किलो छ सय ४९ ग्राम सुनसहित एकजनालाई पक्राउ गरेको छ । पूर्व पश्चिम राजमार्ग अन्तर्गत हेटौंडा रातोमाटेमा गत वैशाख २३ गते बिहान साढे ३ बजे सुनसहित पक्राउ परेका भोजपुर षडानन्द नगरपालिका ४ का २९ वर्षीय किशोर ल्वागुनलाई प्रहरीले बिहीबार सार्वजनिक गरेका हो ।

काठमाडौंबाट वीरगञ्ज हिडेको ना ८ ख ३७९२ नम्बरको यात्रुबहाक बस चेकजाँचका क्रममा उनलाई सुनसहित पक्राउ गरिएको प्रहरीले जनाएको छ ।

ल्वागुनको साथबाट दुबै खुट्टाको जुत्ताभित्र पैतलामुनी र पाइन्टको खल्ती लुकाएर राखेको अवस्थामा अवैध रुपमा कर छली गरेर ल्याउँदै गरेको सुन बरामद गरिएको मकवानपुर प्रहरी प्रमुख एसपी मुकेश सिंहले जानकारी दिए । बरामद गरिएको सुनको हाल बजारमूल्य ८५ लाख ८६ हजार २६ रुपैयाँ छ ।

इलाका प्रहरी कार्यालय पशुपतिनगरका प्रहरी निरीक्षक अरुणकुमार कुशवाहको टोलीले विषेश सूचनाको आधारमा सुनसहित ल्वागुनलाई पक्राउ गरेको थियो । पक्राउ परेको सुन र कारोबारमा संलग्न रहेका उनलाई राजश्व अनुसन्धान कार्यालय पथलैया बुझाइने जनाईएको छ ।

पार्टी एकिकरण कार्यक्रममा प्रधानमन्त्री केपी शर्मा ओलीले सुन तस्करीको दिन सकिएको र आफूहरुले सुन आयात हुने प्वाल टाल्दिएको बताएपनि अवैध सुन तस्करी रोकिएको छैन । प्रधानमन्त्रीले यसो भनेपछि मात्रै ३ पटक तस्करीको सुन सहित कारोबारीलाई प्रहरीले पक्राउ गरिसकेको छ ।

प्रतिक्रिया
सम्बन्धित खवर

केदार मगर, खोटाङ । साकेला गाउँपालिका–५ मात्तिमविर्तालाई केन्द्रविन्दु बनाएर आइतबार गएको भूकम्पले हालसम्म जिल्लाभर दुई विद्यालय भवन, एक प्रहरी चौकी

म्याग्दी । म्याग्दीका पौढ महिलाहरूले बुढ्यौलीमा माध्यमिक शिक्षा परीक्षा (एसइई) उत्तीर्ण गरेर पढाइलाई उमेरले नछेक्ने भनाइलाई चरितार्थ गर्नुभएको छ ।

नवलपुर । पूर्वपश्चिम राजमार्गअन्तर्गत नवलपरासी (बर्दघाट–सुस्तापूर्व)को दाउन्नेमा यात्रुबाहक बसमा आगलागी हुँदा ३३ यात्रु घाइते भएका छन् । आज बिहान साढे

काठमाडौं । जापानका पूर्वप्रधानमन्त्री सिन्जो आबेमाथि शुक्रबार बिहान नारा सहरमा आक्रमण भएको छ । सभालाई सम्बोधन गर्ने क्रममा उनीमाथि गोली प्रहार