आयोगले निरकुङ्श शैलीमा कारबाही गर्दैन : बोहरा

१८ श्रावण २०६९, बिहीबार १७:१५ मा प्रकाशित

काठमाडौं, १८  साउन । एमाले अनुशासन आयोगका अध्यक्ष अमृतकुमार बोहराले पार्टी अनुशासन आयोगले निरंकुश शैलीमा कसैलाई पनि कारबाही नगर्ने स्पष्ट पारेका छन् । उनले पार्टीमा असन्तुष्ट देखिएको जनजाति नेताहरूलाई स्पष्टीकरण सोधिए पनि उनीहरुलाई निरंकुश शैलीका कारबाही नहुने स्पष्ट पारेका हुन् ।
आयोगले दुई साताअघि उपाध्यक्ष अशोक राईलगायतका केन्द्रीय नेतासँग पार्टीले लिएको साझा पहिचानसहितको सात प्रदेशको निर्णयमा सार्वजनिकरूपमा असन्तुष्टि जनाई अलग विचार समूह बनाएपछि स्पष्टीकरण सोधिएको थियो।
अध्यक्ष बोहराले कतिपय नेताहरू उपत्यका बाहिर रहेकाले अझै पत्र बुझ्ने काम पूरा नभएको र कतिपयबाट जवाफ आउन थालेको बताए। उनले भने, ‘हामीले पार्टीलाई नीति र अनुशासनमा राख्ने ध्येयले पत्राचार गरेका हौं, स्पष्टीकरण सोधिनुलाई निरङ्कुश शैलीको कारबाहीका रूपमा लिन मिल्दैन, हामीले त्यस ढङ्गले कारबाही गर्दैनौं।’
अध्यक्ष बोहराले अनुशासनको कारबाहीका लागि निश्चित विधि, प्रक्रिया र मापदण्ड भएकाले पत्राचार भएकै आधारमा कारबाहीको तहमा प्रचार हुनु अनाश्वयक भएको पनि बताए।
असन्तुष्ट नेताहरूले भने आयोगको निर्णयलाई निरङ्कुश शैलीको कारबाहीको तयारी भनी आलोचना गरेका थिए।

प्रतिक्रिया
सम्बन्धित खवर

काठमाडौं । नेकपा (एकीकृत समाजवादी)का अध्यक्ष माधव कुमार नेपालले एक हप्ताभित्र मन्त्रिपरिषदले पूर्णता पाउने दाबी गर्नुभएको छ । मिनभवनस्थित केन्द्रीय

काठमाडौं । नेपाली राजनीतिमा प्रधानमन्त्री शेरबहादुर देउवाकाे नियति मान्नुपर्छ, आफूले पाएकाे जिम्मेवारी पूरा गर्न नसकेकाे अवगाल उहाँले पटक-पटक ब्यहाेर्नु परेकाे

काठमाडौं । तेस्रो राष्ट्रिय महाधिबेसनको तयारी रहेको नेपाल परिवार दलले देशलाई समृद्धिको दिशामा अगाडि बढाउन शासकिय स्वरुप परिर्वतन गर्नका लागि

काठमाडौं । नेपाली कांग्रेसका महामन्त्री डा.शशांक काेइरालाले पार्टी सभापति शेरवहादुर देउवाकाे गृहजिल्ला डडेल्धुरामा पुन अधिवेशनकाे सम्भावना नभएकाे बताएका छन। संस्थापनइतरका