सत्तापक्षका उपेन्द्र र प्रतिपक्षका बाबुरामको एकता आज, राजपासँग समान हैसियत !

२३ बैशाख २०७६, सोमबार १०:४८ मा प्रकाशित

निरोज कुमार थापा, काठमाडौँ, २३ बैशाख । नयाँ शक्ति पार्टी र संघीय समाजवादी फोरमबीच आज एकता हुदै छ । पूर्वप्रधानमन्त्री डा. बाबुराम भट्टराई नेतृत्वको नयाँ शक्ति र वहालवाला उपप्रधानमन्त्री उपेन्द्र यादव नेतृत्वको फोरमबीच आज एकता घोषणा हुन लागेको हो ।

डा भट्टराई र यादवबीच शनिवार पार्टी एकता सम्बन्धी सहमति पत्रमा हस्ताक्षर समेत भएको थियो । एकतापछि पार्टीको नाम समाजवादी पार्टी नेपाल राखिने भएको छ । सत्तारुढ नेकपामा जस्तै भट्टराई र यादव दुवै अध्यक्ष हुनेछन् । संघीय परिषद्को अध्यक्षता भट्टराईले र केन्द्रीय समितिको अध्यक्षता यादवले गर्ने सहमति भएको छ । एकीकृत पार्टीको पदाधिकारीमा फोरमबाट १६ र नयाँ शक्तिबाट ९ जना रहनेछन् ।

पार्टी एकीकरण भएपछि यादवले सरकारलाई संविधान संशोधनका लागि अल्टिमेटम दिने र माग पूरा नभए सरकार छाड्ने बताइएको छ । प्रतिनिधिसभामा संघीय समाजवादी फोरमका १६ र नयाँ शक्तिका भट्टराई मात्रै सांसद छन् । एकता पनि बन्ने समाजवादी पार्टी नेपालको १७ सांसद हुने छन् । संसदमा राजपाको पनि समान १७ सिट नै छ । एकतासंगै राजपा र समाजवादी पार्टी नेपालको सिट संख्याको आधारमा समान हैसियत कायम हुने छ ।

प्रतिक्रिया
सम्बन्धित खवर

पोखरा । गण्डकी प्रदेशसभाका नेपाली कांग्रेस, नेकपा माओवादी केन्द्र, राष्ट्रिय जनमोर्चा र जनता समाजवादी पार्टीले गण्डकी प्रदेशमा गरिएको मुख्यमन्त्रीको नियुक्ति

काठमाडौं । राष्ट्रपति विद्यादेवी भण्डारीले संयुक्त सरकार बनाउन दिएको तीन दिनको म्याद बिहीबार सकिँदै छ। बिहीबार साँझ ९ बजेसम्ममा विपक्षी

सुर्खेत । कर्णाली प्रदेशका मुख्यमन्त्री महेन्द्रबहादुर शाहीले मन्त्री परिषद् फेरबदल गर्नुभएको छ । उहाँले गत माघमा नियुक्त भएका मन्त्रीद्वय विमला

काठमाडौं । नेपालमा २४ घन्टाको अवधिमा ९ हजार ३ सय ५ जना कोरोना भाइरस संक्रमित थपिएका छन् भने १ सय