नीति कार्यक्रममा आश्वासनबाहेक केही छैन : काँग्रेस सभापति देउवा

२० बैशाख २०७६, शुक्रबार २२:४६ मा प्रकाशित

भीष्मराज ओझा, काठमाडौँ, २० वैशाख । प्रमुख प्रतिपक्षी दल नेपाली काँग्रेसका सभापति शेरबहादुर देउवाले सरकारको नीति तथा कार्यक्रममा आश्वासनबाहेक केही नभएको भनी टिप्पणी गर्नुभएको छ । राष्ट्रपति विद्यादेवी भण्डारीले सङ्घीय संसद्को दुवै सदनको संयुक्त बैठकमा आज प्रस्तुत गर्नुभएको आर्थिक वर्ष २०७६-७७ को नीति तथा कार्यक्रमबारे सञ्चारकर्मीलाई प्रतिक्रिया दिँदै उहाँले नीति तथा कार्यक्रममा आश्वासनबाहेक केही पनि छैन भन्नुभयो ।

सभापति देउवाले भन्नुभयो, “धेरै कुरा अघिल्लो पटकको उल्लेख छ, नयाँ कुरा छैन ।” सम्बोधनका क्रममा राष्ट्रपति भण्डारीले ‘मेरो सरकार’ भनेको सन्दर्भमा उहाँले त्यसको सट्टा नेपाल सरकार भने पनि हुन्थ्यो भन्नुभयो । काङ्ग्रेसले सरकारको नीति तथा कार्यक्रमलाई जनताका इच्छा र आकांक्षा पूरा गराउने भन्दा पनि पार्टीको चुनावी घोषणापत्र जस्तो आएको भनी टिप्पणी गरेको छ । नीति तथा कार्यक्रममा विभिन्न क्षेत्रका थुप्रै विषय उल्लेख गरिए पनि सम्पन्न गर्ने आधार नदेखिएको काङ्ग्रेसको आरोप छ ।

‘हाम्रो सरकार’ भनेको भए राम्रो हुन्थ्यो

काँग्रेस उपसभापति विजयकुमार गच्छदारले नीति तथा कार्यक्रममा नयाँ कुरा केही नभएको र पुरानोको निरन्तता जस्तो मात्र देखिएको आरोप बताउनुभयो । यसमा समय तोकेर धेरै विषय उल्लेख गरिए पनि कार्यान्वयन हुने आधार नदेखिएको उहाँको भनाइ थियो ।

नीति कार्यक्रममा केही राम्रो कुरा भए पनि धेरै विषयमा सपना बाढेकोजस्तो देखिएको भनी उहाँले टिप्पणी गर्नुभयो । ‘मेरो सरकार’ सम्बोधनका सम्बन्धमा नेता गच्छदारले भन्नुभयो, “हाम्रो सरकार भनेको भए राम्रो हुन्थ्यो, ‘मेरो सरकार’ भन्ने सम्बोधन राजाको शासनकालमा हुन्थ्यो, यसले जनताको भावनालाई समेट्न सक्दैन ।”

काँग्रेस संसदीय दलका प्रमुख सचेतक बालकृष्ण खाँणले संविधानले ज्ञारेण्टी गरेका मौलिक अधिकारलाई नीति कार्यक्रममा सुनिश्चिता नगरिएको र सङ्घीयतालाई सवल बनाउने आधारशीला पनि नभएको भनी टिप्पाणी गर्नुभयो ।

प्रमुख सचेतक खाणले नीति तथा कार्यक्रमअनुसार ल्याइने बजेटले मुद्रा स्फीति बढ्ने र यसले झनै मूल्यवृद्धि तथा महँगी बढ्ने आरोप लगाउनुभयो । नीति तथा कार्यक्रम सबै जनताले अपनत्व गर्ने खालको नभई गफको पुलिन्दाजस्तो भएको उहाँको भनाइ थियो ।

नीति कार्यक्रमको समीक्षामा आत्म प्रशंसा मात्र

काङ्ग्रेस नेता गगनकुमार थापाले ‘मेरो सरकार’ भन्ने सम्बोधनले राष्ट्रपतिलाई विवादमा फसाउने र संस्थाप्रतिको मान सम्मान घटाउने गरी गम्भीर त्रुटि भएको धारणा व्यक्त गर्नुभयो । अघिल्लो आर्थिक वर्षमा सरकारले प्रस्तुत गरेको कार्यक्रमको समीक्षामा आत्मप्रशंसा मात्र भएको भन्दै नेता थापाले भन्नुभयो, “चालू आवमा जनता निराश भन्ने कही उल्लेख छैन, भ्रम अहङ्कार मात्र उल्लेख छ ।”

पूँजीगत खर्च कम भएको र राष्ट्रिय गौरवका आयोजना समयमै सम्पन्न हुन नसकेकोबाहेक अन्य कुनै पनि कमजोरी नभएको भनी नीतिमा उल्लेख भएको बताउँदै उहाँले यसले सही दिशामा डोराउनु सक्दैन भन्नुभयो ।

सङ्घीयता कार्यान्वयनका सम्बन्धमा यो वर्ष फितलो भए पनि नीतिमा कही पनि सङ्घीयताको सन्दर्भमा कमजोरी रहेको उल्लेख नभएको उदाहरण दिँदै उहाँले ‘पाँच वर्षमा पाँच लाख रोजगारी सिर्जना गर्छु भनेको सरकारले गएको वर्ष कति रोजगारी सिजर्ना गरे’ भन्दैन भन्नुभयो । नीति र कार्यक्रममा नयाँ कुरा केही नभएको र पुरानो कुराको निरन्तता मात्र रहेको भन्दै नेता थापाले झुटको र आश्वासनको पुलिन्दा हो भनी टिप्पणी गर्नुभयो । रासस

प्रतिक्रिया
सम्बन्धित खवर

काठमाडौँ ।नयाँ संविधान २०७२ कार्यन्वयनमा आएपछि मुलुक संघीय संरचना अनुसार सञ्चालित छ । मुलुकमा संघीयताको स्थापनासँगै सिंहदरवारमा निहित अधिकार जनताको

काठमाडौँ ।राज्य संचालनका लागि नभई नहुने र चल्नै पर्ने तीन अंग यतिबेला लथालिङगको अवस्थामा छन् । कार्यपालिका, व्यवस्थापिका र न्यायापालिका

काठमाडौँ ।प्रधानन्यायाधीशबाटै न्यायालयको स्वच्छता, स्वतन्त्रता र गरिमा संकटमा परेपछि न्यायाधीशहरुले नै ‘फुलकोर्ट’ बहिष्कार गर्ने ऐतिहासिक निर्णय गरे । न्यायाधीशहरू अदालतभित्र

काठमाडौं । प्रधानमन्त्री एवं नेपाली कांग्रेसका सभापति शेरबहादुर देउवा केही समय पार्टीको १४औं महाधिवेशन टार्दै जाने रणनीतिमा पुगेका छन्। भदौ १८ गतेबाट

आजको प्रमुख समाचार