दुई विद्यार्थी संगठनबीच झडप भएपछि रुकुम बन्द

१८ श्रावण २०६९, बिहीबार १३:३३ मा प्रकाशित

रुकुम, १८ साउन । दुई विद्यार्थी सङ्गठनबीच भएको झडपको विषयलाई लिएर रुकुम जिल्ला अनिश्चितकालीन बन्द गरिएको छ। एमाओवादी निकट अनेरास्ववियु (क्रान्तिकारी) र एमाले निकट अनेरास्ववियुकाबीच मुसीकोट बहुमुखी क्याम्पसमा बुधबार सांझ झडप भएको थियो । विद्यार्थीबीचको झडपबाट आयोजित बन्दका कारण रुकुम सदरमुकामलगायत आसपासको बजार, कलकारखाना, विद्यालय पूर्णरुपमा बन्द छ, यातायातसमेत ठप्प छ भने रुकुमबाट बाहिरिने र भित्रिने यात्रु बाटामै अलपत्र परेका छन्।

झडपमा अनेरास्ववियु क्रान्तिकारीका तीनजना विद्यार्थी गम्भीर घाइते भएका छन्। घाइतेको जिल्ला स्वास्थ्य कार्यालय रुकुममा उपचार भइरहेको छ । पुनः झडप हुने सम्भावना भएकाले चोक चोकमा प्रहरी तैनाथ गरिएको छ। घटनामा संलग्न २० जनालाई प्रहरीले पक्राउ गरेको छ। पक्राउ पर्नेमा अनेरास्ववियुका जिल्ला अध्यक्ष मदन खड्कालगायत रहेको जिल्ला प्रहरी कार्यालय रुकुमले जनाएको छ।

क्याम्पसले विद्यार्थीका विभिन्न माग सम्बोधन गर्नुपर्ने माग राख्दै अनेरास्ववियु (क्रान्तिकारी)ले एक सातादेखि आन्दोलन गरिरहेकाले बुधबार बेलुका क्याम्पस सञ्चालक समितिले सबै विद्यार्थी सङ्गठनलाई बोलाएर छलफल गरिरहेका बेला दुई सङ्गठनबीच झडप भएको हो। अखिल(क्रान्तिकारी)ले गणित विषयका उपप्राध्यापक पदमबहादुर खत्रीले राजीनामा दिएपछि नियमानुसार पाउने तलब भत्ताभन्दा बढी रकम उपलब्ध गराएकाले त्यसलाई फिर्ता गराउनुपर्ने, लेखा प्रणालीलाई पारदर्शी बनाउनुपर्ने, क्याम्पसको विधान संशोधन, तत्काल क्याम्पस प्रमुखको व्यवस्था गर्नुपर्ने माग राखेर क्याम्पस प्रशासनलाई ज्ञापनपत्र बुझाएको थियो। रासस

प्रतिक्रिया
सम्बन्धित खवर

काठमाडौ ।नेपाली कांग्रेसको १४औं महाधिवेशनअन्तर्गत अहिले विभिन्न जिल्लामा पालिका तहको अधिवेशन जारी छ । शनिबारदेखि ५४ जिल्लामा पालिका तहको अधिवेशन

काठमाडौं । जसपा नेता डा. बाबुराम भट्टराईले पाँच ‘स’को सपना देखेर एकीकृत माओवादी त्यागेको ६  वर्ष पूरा भएको छ । संविधान

काठमाडौं । यदि संसद् सचिवालयमा कार्यरत एक महिलासँग अन्तरंग सम्बन्ध जोडिएको घटना सार्वजनिक नभएको कृष्णबहादुर महराले अहिले माओवादी केन्द्रमा ठूलै

काठमाडौं ।सत्तारुढ गठबन्धनको बैठकमा मन्त्रिपरिषद् विस्तारका लागि नयाँ मन्त्री नियुक्त गर्नुअघि राजनीतिक दलसम्बन्धी अध्यादेशबारे निर्णय गर्नुपर्ने सहमति भएको छ ।