नेताको सम्पत्तिमाथि थप सात दिन उजुरी गर्न सकिने

१७ श्रावण २०६९, बुधबार २२:२१ मा प्रकाशित


काठमाडौं, १७ साउन । नेताहरुको सम्पत्ति छानबिन गर्न पार्टीले नै छानबिन आयोग गठन गरेपछि एकीकृत नेकपा माओवादीकै कार्यकर्ताहरुबाट रातारात नबधनाड्यका रुपमा देखापरेका नेताहरुविरुद्ध उजुरीको खात लगाएको बुझिएको छ । यसरी उजुरी आउने क्रम बढेपछि एमाओवादी नेताहरुको सम्पत्ति छानवीन गर्न बनेको आयोगले नेताहरुको सम्पत्तिमाथि उजुरी गर्ने समय एक हप्ता थप गरेको छ । बुधवारसम्म उजुरी गर्न पाउने समय भएपनि उजुरी आउने क्रम जारी रहेकाले अर्को एक हप्ता थप गरिएको आयोग सुत्रले जानकारी दिएको छ । माओवादी नेताहरुले आर्थिक अनियमितता गरेको भनेर पार्टीका कार्यकर्ताले नै विरोध गरेपछि माओवादीले अमिक शेरचनको नेतृत्वमा नवराज सुवेदी र लोकेन्द्र विष्ट सदस्य रहेको आयोग बनाएको थियो ।

म्याद थपिएपछि अब पार्टी कार्यालयमा विहान १० देखि पाँच बजेसम्म वा आयोगका सदस्य र संयोजकलाई खामबन्दी गरेर २५ गतेसम्म उजुरी गर्न सकिने आयोगका सदस्य नवराज सुवेदीले जानकारी दिए । आयोगले अहिलेसम्म सबै केन्द्रीय सदस्यसहित अध्यक्षसम्मको सम्पत्ति विवरण संकलन गरिसकेको बताइएको छ भने आफ्नो नाम र उजुरी हाल्न लागिएको नेताको नाम गोप्य राखिने यसअघि नै स्पष्ट पारिसकेको छ ।

प्रतिक्रिया
सम्बन्धित खवर

लण्डन । कोरोना संक्रमणले तीन साताभित्र विदेशमा पछिल्ला तीन साताभित्र थप ३९ जना नेपालीको निधन भएको छ । गैरआवासीय नेपाली

काठमाडौँ । नेकपा एमालेका अध्यक्ष केपी शर्मा ओलीले माधवकुमार नेपाललगायतलाई पार्टीमा कुनै ठाउँ नभएको बताएका छन् । काठमाडौँ जिल्ला कमिटीको

काठमाडौं । सरकारले कोरोना भाइरस सङ्क्रमणविरुद्धको खोप आगामी असोजमसान्तसम्म एक करोड ८३ लाख ८२ हजार ८५० मात्रा ल्याउने भएको छ

झापा । विर्तामोडको एउटा होटलमा २२० डोज भेरोसिल खोपसहित स्वास्थ्य शाखा विर्तामोडका फोकल पर्सन ओमबहादुर खड्कालाई प्रहरीले नियन्त्रणमा लिएको छ