नेपाल वायु सेवाको जापान उडान निश्चित

१५ बैशाख २०७६, आईतवार १५:०७ मा प्रकाशित

निरोज कुमार थापा, काठमाडौँ, १५ बैशाख । नेपाल वायुसेवा निगमले जापानको ओशाका उडान भर्ने निश्चित भएको छ । जापान सिभिल एभिएसन ब्यूरोबाट उडान अनुमति प्रमाणपत्र प्राप्त गरेपछि निगमले वाइडबडी विमानबाट जापान उडान सुरु गर्ने भएको हो ।

निगमका कार्यकारी अध्यक्ष मदन खरेलका अनुसार वाइडबडी विमानबाट सातामा तीनओटा सीधा उडान गर्ने तयारी भइरहेको छ । निगमले नेपाल नागरिक उड्डयन प्राधिकरणबाट भने एओसी पाइसकेको छ । केही समयपछि जापानकै नारिता विमानस्थलमा पनि सीधा उडान गर्ने तयारी भइरहेको खरेलले जानकारी दिए । त्यसपछि काठमाडौं–ओशाका दुई र काठमाडौं–नारिता दुई गरी सातामा चारओटा उडान गरिने उनले बताए । काठमाडौं–ओशाका उडान समय करीब आठ घण्टाको हुनेछ । ओशाकाका लागि निगमले कर्मचारी खटाइसकेको छ ।

‘अन्तरराष्ट्रिय उड्डयन संगठन (आईकाओ)को सेफ्टी लिस्टबाट नेपाल हट्दा पनि यूरोपियन यूनियनले कालोसूचीमा राखिरहेको छ । जापान उड्नासाथ अन्य देशहरूमा जान पनि यसले सकारात्मक सन्देश प्रवाह गर्ने निगमको विश्वास छ,’ खरेलले भने ।

अहिले निगमको अन्तरराष्ट्रिय बजार हिस्सा करीब १२ प्रतिशत छ । जापान उडान शुरू गरेपछि बजार हिस्सा करीब १८ प्रतिशत पुग्ने निगमको अनुमान छ । नेपाल र जापानबीचको द्विपक्षीय हवाई सम्झौताअनुसार नेपालका एयरलाइन्सहरूले जापानको हानेदाबाहेकका सबै विमानस्थलमा उडान तथा अवतरण गर्न पाउनेछन् । नेपालले हालसम्म ३९ देशसँग हवाई सम्झौता गरेको छ ।

प्रतिक्रिया
सम्बन्धित खवर

काठमाडौँ । सुनचाँदी बजारमा आज छापावाल सुनको मूल्य प्रतितोला दुई सय ले बढेर रु ९७ हजार एक सय तोकिएको छ

काठमाडौँ । सुनचाँदी बजारमा आज छापावाल सुनको मूल्य प्रतितोला रु ९५ हजार ६०० तोकिएको छ । अघिल्लो दिन प्रतितोला रु

पर्सा । पालको मुख्य प्रवेशद्वार र देशकै प्रमुख व्यपारिक नाका वीरगञ्जलाई प्रयोग गरी भारत तथा तेस्रो मुलुकतर्फ हुने नेपाली वस्तुको

धितोपत्र बजारमा शेयर कारोबार मापक नेप्से परिसूचक आज पनि दोहोरो अङ्कले ओरालो लागेको छ । नेपाल स्टक एक्सचेञ्जका अनुसार नेप्से