चितवनमा ब्रोइलरको अभाव

१७ श्रावण २०६९, बुधबार १६:१२ मा प्रकाशित

चितवन, १७ साउन । माग भन्दा दोब्बर ब्रोइलर कुखुरा उत्पादन गर्दै आएको चितवन पछिल्लो समय ब्रोइलर कुखुराका लागि बाहिरी जिल्लाको भर पर्न बाध्य बनेको छ । चितवन पोल्ट्री व्यवसायीहरुले दिएको जानकारी अनुसार यतिबेला चितवनलाई नै चाहिनेभन्दा आधामात्रै ब्रोइलर कुखुरा उत्पादन भइरहेका छन्।

नारायणगढ बेलचोकमा मासु पसल सञ्चालन गरेका नवलपरासी गैंडाकोटका दीपक पाण्डेले भने, प्रायजसो छिमेकबाटै ब्रोइलर कुखुरा ल्याउँथे तर, अहिले उनको पसलमा सिन्धुपाल्चोक, नुवाकोटका कुखुरा आउन थालेका छन् ।
नेपाल पोल्ट्री व्यवसायी मञ्चका पूर्वअध्यक्ष टीका पोखरेल पनि जिल्लामा मासुका लागि पालिने ब्रोइलर कुखुराको अभाव भएको स्वीकार्छन्। ‘चितवनमा कुखुराको मासु दैनिक १० टन खपत हुन्छ । अहिले यहाँको उत्पादनले आधा पनि धान्न मुस्किल छ,’ उनले भने। चितवनमा वैशाखदेखि उत्पादन कम भएको उनले बताए।
पोखरेलका अनुसार वैशाखअघि चितवनका ब्रोइलरबाट दैनिक ३० टन मासु उत्पादन गर्न सकिन्थ्यो। यहाँको माग १० टन मात्रै रहेका हुँदा बाँकी कुखुरा काठमाडौं जान्थे। तर यहीले काठमाडौं, धादिङ, नुवाकोट र त्यस आसपासका क्षेत्रबाट मात्रै होइन सुदूरपश्चिमको दार्चुला डढेल्धुराबाट पनि कुखुरा ल्याउनुपरेको छ,’ पोखरेलले भने।
चैत वैशाखमा जिउँदो ब्रोइलर कुखुराको मूल्य प्रतिकेजी सय रुपैयाँ र त्योभन्दा पनि कम पाउन थालेपछि किसानले ब्रोइलरका नयाँ चल्ला नहाल्दा अहिले अभाव सिर्जना भएको हो। अहिले यो मूल्यमा सुधार भएको छ। ब्रोइलर पाल्ने किसानले जिउँदो कुखुराको मूल्य प्रतिकेजी १६० रुपैयाँसम्म पाउन थालेको छ।
ुपहिला किसानले जुन मूल्य पाउँथे त्यसले घाटा खानुपरेको थियो। त्यसैले उनीहरुले चल्ला हालेनन्। अहिले मूल्यमा सुधार आएपछि फेरि पाल्न थालेका छन्’ पोखरेलले भने। पाल्न थालेको ४५ दिनपछि ब्रोइलर कुखुरा खानयोग्य हुन्छ। त्यसैले अबको १०/१५ दिनपछि चितवनलाई पुग्दो मात्रामा ब्रोइलर उत्पादन हुने र भदौ लगत्तै पहिलाको अवस्थामा फर्कने उनले बताए।

प्रतिक्रिया
सम्बन्धित खवर

काठमाडौं । नेपालको वैदेशिक व्यापार घाटा चालू आर्थिक वर्ष २०७८/७९ को ९ महिनाको अवधिमा १३ खर्ब ६ अर्ब रुपैयाँ पुगेको

काठमाडौं । चालु आर्थिक वर्ष २०७८/७९ को पहिलो नौ महिनामा नेपालमा करिव २० करोड रुपैयाँको छाता भित्रिएको छ । २०७८

काठमाडौँ । कोभिडको महामारीबाट थलिएको मुलुकको अर्थतन्त्रको पुनरुत्थान, उत्पादन र उत्पादकत्व वृद्धिलाई केन्द्रमा राखेर सरकारले आर्थिक वर्ष २०७९/८० को बजेट

कर्णाली । कर्णाली प्रदेशको पर्यटन क्षेत्रबाट रु. ४८ लाख राजस्व संकलन भएको छ । यहाँका विभिन्न पर्यटकीयस्थल घुम्न आएका आन्तरिक

आजको प्रमुख समाचार