भूकम्पपीडितको व्यथा : चार वर्ष बित्दा २७ प्रतिशत टहरामै

१२ बैशाख २०७६, बिहीबार २२:५६ मा प्रकाशित

राम केसी, चौतारा, १२ वैशाख । विनाशकारी भूकम्प गएको चार वर्ष पूरा भइसक्दा पनि सिन्धुपाल्चोकको २७ प्रतिशत पीडित अझै टहरामा बस्न बाध्य छन् । प्रथम किस्ता लिएर पनि निजी घर बनाउने तत्परता नदेखाइ सुस्त गतिमा काम अघि बढेकाले हालसम्म ७३ प्रतिशतले मात्र निजी आवास निर्माण गरेका छन् ।

भूकम्प गएको एक वर्षपछि २०७३ वैशाख १२ गते प्रधानमन्त्री केपी शर्मा ओलीले चौतारा नगरपालिकाअन्तर्गत स्यांवोमा निजी आवासको शिलान्यास गरी देशभर आवास निर्माणको शुभारम्भ गर्नुभएको थियो । जिल्लामा ८८ हजार २४९ लाभग्राहीको सूचीमा छन् । त्यसमध्ये ८५ हजार १७२ लाभग्राहीले पहिलो किस्ता, ७९ हजार ७४१ जनाले दास्रो र ६३ हजार २७० जनाले तेस्रो किस्ता बुझेका छन् । हालसम्म ६३ हजार २७० नागरिक नयाँ घरमा बसोबास गर्न थालेको राष्ट्रिय पुनःनिर्माण प्राधिकरण, जिल्ला आयोजना कार्यान्वयन एकाइ अनुदान व्यवस्थापन तथा स्थानीय पूर्वाधार कार्यालयका प्रमुख जयप्रकाश गुप्ताले बताउनुभयो ।

भूकम्पबाट सिन्धुपाल्चोक सबैभन्दा बढी प्रभावित जिल्ला हो । यहाँका एक हजार ५७३ व्यक्तिले ज्यान गुमाएका थिए । आठ जना बेपत्ता भएका थिए भने १५६५ जना घाइते भएका थिए । राष्ट्रिय पुनःनिर्माण प्राधिकरणले निजी आवास र राष्ट्रिय सम्पदालाई पहिलो तथा दास्रो प्राथमिकतामा राखेको छ । गुम्बैगुम्बाले परिचित जिल्लामा करीब २०० गुम्बाको पुनःनिर्माण कार्य अझै शुरु हुन सकेको छैन । हेलम्बुका दर्जन बढी गुम्बा देशकै पुरानामा पर्छन् । रासस

प्रतिक्रिया
सम्बन्धित खवर

काठमाडौं । प्रधानमन्त्री शेरबहादुर देउवा राष्ट्रसंघीय जलवायु सम्मेलन संरचना महासन्धी (कोप-२६) अन्तर्गत नोभेम्बर १ र २ मा स्कटल्यान्डको ग्लास्गोमा हुने

काठमाडौं । प्रधानमन्त्री शेरबहादुर देउवाले चैतभित्र सबै नेपाली नागरिकलाई कोरोनाविरूद्धको खोप लगाइसक्ने बताएका छन् । बिहीबार कोभिड १९ संकट व्यवस्थापन

काठमाडौं । शहरी विकास मन्त्री रामकुमारी झाक्री वीर अस्पताल भर्ना भएकी छन्। निमोनियाका कारण मन्त्री झाक्री गएराति वीर अस्पताल भर्ना

काठमाडौँ । अमेरिकाका लागि १८ औँ नेपाली राजदूत डा‍. युवराज खतिवडा नेपाल फर्किएका छन् । एक वर्षभन्दा कम समय अमेरिकाको बसाइ