गन्धर्व नाटकघरमा ‘बाकस’ मञ्चन

१२ बैशाख २०७६, बिहीबार ०८:४४ मा प्रकाशित

पोखरा, १२ वैशाख । पोखराको गैह्रापाटनस्थित पोखरा थिएटरको गन्धर्व नाटकघरमा ‘बाकस’ मञ्चन भइरहेको छ । पोखरा थिएटरको छैटौँ प्रस्तुतिको रूपमा यही वैशाख ६ बाट मञ्चन भइरहेको नाटक २१ गतेसम्म निरन्तर मञ्चन हुनेछ ।

नाटक हेर्ने दर्शकको सङ्ख्या बढ्दै गएको पोखरा थिएटरले जनाएको छ । नाटकले देशको समसामयिक विषयवस्तुको चित्रण गरेको छ । यसअघि पोखरा थिएटरको गन्र्धव नाटकघरमा मञ्चन भएका नाटकभन्दा फरकपना यस नाटकमा देखिएको दर्शकको भनाइ रहेको छ ।

यही नाटकबाट २५ वर्षपछि नाटक निर्देशनमा सरुभक्त श्रेष्ठले ‘कमब्याक’ गरेका छन् । उनको २५ वर्षको कमब्याकलाई ओजिलो बनाउन कलाकारले भरमग्दुर प्रयास गरेका छन् । नाटकलाई सरुभक्त श्रेष्ठले नै लेख्नुभएको हो ।

नाटक बाकसमा परिवर्तन, प्रमिला तुलाचन, दिलप्रसाद गुरुङ, नवराज गिरी, रमेशबाबु तिमल्सिना, निश्चल विमल, शरद भण्डारी, बुद्धि खनाल, सोनिया खत्री, ईश्वर कार्की, जनक पराजुली, विष्णु तिमिल्सिना, सङ्गम लामिछाने, पार्वती थापा, दीक्षा कार्कीको अभिनय रहेको छ ।

यसैगरी प्रतिभा अधिकारी, अञ्जु दाहाल, नारायण क्षेत्री, विजोन उदास, धुव्र पौडेल, निशान ताम्राकार, विक्रम उदास, प्रतिक घिमिरे आदि कलाकारको अभिनय हेर्न पाइनेछ ।

पोखरा थिएटरको गन्र्धव नाटकघर सञ्चालन भएपछि मञ्चन हुने यो ३० औँ नाटक हो । नाटक हरेक साँझ ५ बजे र शनिबार अतिरिक्त ‘सो’ का रुपमा दिउँसो एक बजेसमेत मञ्चन हुनेछ । नाटक हेर्न रु तीन सय र रु पाँच सयको टिकट लाग्नेछ । बुकिङमार्फत समेत नाटकलाई मञ्चन गर्ने तयारी थिएटरले गरेको सञ्चालक दिलप्रसाद गुरुङले जानकारी दिनुभयो ।

प्रतिक्रिया
सम्बन्धित खवर

काठमाडौं । बलिउड अभिनेता शाहरुख खानका छोरा आर्यन खान गत २ अक्टोबरमा क्रुज सिपमा आठजना साथीसहित पक्राउ परे । उनी

काठमाडौं । अभिनेत्री करिश्मा मानन्धरलाई एमालेका अध्यक्ष एवं पूर्वप्रधानमन्त्री केपी ओलीले फोन गरेको खबरले केही दिन अगाडि राम्रै चर्चा पायो

काठमाडौं । बलिउडमा थ्रिलर फिल्ममार्फत दर्शकको मन जित्दै आइरहेका निर्देशक सुजोय घोषको नयाँ फिल्म आउँदो फेब्रुअरीबाट छायांकनमा जाने भएको छ

काठमाडौं । गोर्खा फिल्म बनाउने घोषणा गरेका बलिउड अभिनेता अक्षय कुमार पछिल्लो केही दिनयता चर्चामा छन् । उनले हालै गोर्खा