संगठित सुन तस्करी निरन्तर, सात केजी सुन टिमुरेमा बरामद

१० बैशाख २०७६, मंगलवार २१:०८ मा प्रकाशित

रसुवा, १० वैशाख । उत्तरी नाका रसुवागढीबाट लुकाई छिपाई अवैध रूपमा नेपाल भित्र्याएको सात केजी सुन टिमुरेमा आज प्रहरीले बरामद गरेको छ । सशस्त्र प्रहरी भन्सार राजश्व गुल्म टिमुरेका गुल्मपति प्रहरी नायब उपरीक्षक जीवन केसीका अनुसार केरुङबाट ना६ख ९०६८ नंको स्याउ बोकी आएको कन्टेनर डिब्बाबाट अवैध सात केजी सुन नेपाल प्रहरी र सशस्त्र प्रहरीको संयुक्त गस्तीले बरामद गरेको हो ।

सामान परीक्षणका क्रममा विशेष सुराकीका आधारबाट कन्टेनर डिब्बा जाँच गर्दा चालक सिटको माथिल्लो भागमा साधारण तवरले रुमालमा बेरिराखेको अवस्थामा सात केजी सुन फेला परेको र सुन लुकाई ल्याउने डिब्बा चालक नौकुण्ड गापा–१ थाङदोर निवासी शेर ग्याल्पो घलेलाई पक्राउ गरिएको सीमा प्रहरी चौकी टिमुरेका प्रहरी निरीक्षक दिलीप क्षेत्रीले बताउनुभयो ।

सुनसहित पक्राउ परेका घलेलाई अहिले साझ आवश्यक कानूनी कारवाहीका लागि जिल्ला प्रहरी कार्यालय धुञ्चेमा पठाइएको बताइएको छ । सुनको मूल्य भने निर्धारण गर्न बाँकी रहेको प्रनाउ केसीले जानकारी दिनुभयो ।

प्रतिक्रिया
सम्बन्धित खवर

काठमाडौं ।प्रधानमन्त्री शेरबहादुर देउवाले आगामी फागुन २१ गते रिक्त हुने १९ राष्ट्रियसभामा सदस्य पदको निर्वाचनको मिति सरकारले चाँडै तोक्ने बताएका

काठमाडौं। पूर्व महान्यायाधिवक्ता एवम् बरिष्ठ अधिवक्ता रमणकुमार श्रेष्ठले प्रधानन्यायाधीश चोलेन्द्र शमशेर राणाले अब ढिलो नगरी अब २/३ घण्टाभित्रै राजीनामा दिनुपर्ने

काठमाण्डाैं।सञ्चार तथा सूचना प्रविधिमन्त्री ज्ञानेन्द्रबहादुर कार्कीले जनताले अनुभूति गर्ने गरी समृद्धिको दिशामा अग्रसर हुन सबैलाई आ–आफ्नो ठाउँबाट योगदान पुर्याउन आग्रह

काठमाण्डाैं।निर्वाचन आयोगले आगामी चैत ५ गतेभित्र स्थानीय तहको चुनाव गर्न सरकारसँग सिफारिस गरेको छ । सोमबार प्रधानमन्त्री शेरबहादुर देउवासँगको छलफलका