युवा संघ आन्दोलनमा उत्रियो

१७ श्रावण २०६९, बुधबार ०९:५१ मा प्रकाशित

काठमाडौं, १७ साउन । एमाले भातृ संगठन युवा संघ बाबुराम भट्टराई सरकारको विस्थापनको माग गर्दै सडक आन्दोलन सुरु गरेको छ ।  राष्ट्रिय सहमति मार्फत् राजनीतिक निकास दिनका लागि प्रधानमन्त्री बाधक बनेको निष्कर्ष निकाल्दै विपक्षी दलको भातृसंगठन आन्दोलनमा उत्रिएको हो । संघले मंगलबार राजधानीको नयाँ बानेश्वर क्षेत्रमा प्रधानमन्त्री भट्टराई र उपप्रधान तथा गृहमन्त्री विजयकुमार गच्छदारको पुत्ला दहन गर्दै आधा घण्टा चक्काजाम र कोण सभा गर्‍यो ।

‘भ्रष्ट सरकारको विस्थापनका लागि हामीले सडकमा उत्रिनुपर्ने बाध्यता परेको हो’ संघका अध्यक्ष महेश बस्नेतले भने, ‘सरकरको विस्थापन नहुन्जेलसम्म  आन्दोलन रोकिदैन ।’ विपक्षी दलहरुको केन्दि्रय आन्दोलन सुस्ताइरहेको बेला भातृसंगठन सडकमा उत्रिएको हो । काग्रेस र एमालेको गठबन्धनले सरकारविरुद्घ  आन्दोलन घोषणा गरेपनि त्यो प्रभावकारी भएको छैन ।

संघले पहिलो चरणअन्तर्गत २४ गते सम्मका कार्यक्रम घोषणा गरेको छ । बुधबार राजधानीको बानेश्वर क्षेत्र, विहीबार र शुक्रबार काठमाडौका सबै निर्वाचन क्षेत्र र मुलुकभरका सदरमुकाममा आधा घण्टा चक्काजाम र विरोध सभाको कार्यक्रम छ । त्यस्तै शनिबार  उपत्यकामा मसाल जुलुस, आगामी आइतबार बिहान ६ देखि १० बजेसम्म उपत्यका बन्द, कार्यक्रम तथा सोमबार र मंगलबार  दुई दिन बिहान ६ देखि १० बजेसम्म नेपाल बन्दको कार्यक्रम रहेको संघले जनाएको छ ।

मँहगी, भ्रष्टाचार, युवा स्वरोजगार कोषमा भएको मनोमानी अन्त्य गर्नुपर्ने अन्तर्राष्ट्रिय गैरसरकारी संघसंस्थाहरूको आर्थिक पारदर्शिता गराउनका लागि पहल गर्नुपर्ने लगायतका माग पनि संघले राखेको छ । संघले दुई साता अघि राजधानीमा  राष्ट्रिय कार्यकर्ता भेला गरी सम्पूर्ण गतिविधि सरकारविरोधी क्रियाकलापमा केन्दि्रत गर्ने निर्णय गरेको  थियो । संघले सहमतिको वातावरण तयार गरी निर्वाचनको जान माग गरेको छ । सरकार विस्थापन संगसंगै अन्य मुद्दाहरु पनि आन्दोलनका क्रममा उठाएको छ । संघले तत्कालै तराई-मधेस जागरण अभियान पनि संचालन गर्न लागेको छ । मधेस केन्दि्रत दलहरुले जनताका  काम नगरेको लगायका काण देखाउदै जनजागरण अभियान संचालन गर्न लागेको हो ।

प्रतिक्रिया
सम्बन्धित खवर

काठमाडौँ । नेपाली काँग्रेसको स्थानीय तह निर्वाचन केन्द्रीय परिचालन समितिले सिट संख्या बढाउन गठबन्धन आवश्यक भएको निष्कर्ष निकालेको छ ।

फर्डिनान्ड रोमुआल्डेज मार्कोस जुनियरले बिहीबार मनिला शहरमा हजारौं मानिसहरूका बीच फिलिपिन्सको १७ औं राष्ट्रपतिको रूपमा शपथ ग्रहण गरेका छन्। मार्कोस

एजेन्सी । दोस्रो विश्वयुद्धमा जापानी फौजलाई आच्छुआच्छु पारेर राष्ट्रपतिबाट सर्वोच्च पदक पाएका हर्शेल डब्ल्यू विलियम्सको ९८ वर्षको उमेरमा मृत्यु भएको

काठमाडौं । प्रधानमन्त्री शेरबहादुर देउवा पत्नी आरजु राणा देउवालाई कोरोनाभाइरस संक्रमण भएको छ । कोरोनाभाइरस संक्रमण भएपछि आरजु केही दिनयता