सांसदलाई २ करोड पैसा बाड्ने गण्डकी प्रदेशको तयारी

८ बैशाख २०७६, आईतवार १६:२७ मा प्रकाशित

पोखरा, ८ बैशाख । गण्डकी प्रदेश सरकारले आगामी वर्षमा प्रति सांसद २ करोड रुपैयाँ उपलब्ध गराउने भएको छ । चालु आर्थिक वर्षको बजेट ल्याउने बेलामा नै सांसदहरुले निर्वाचन विकासको लागि रकम माग गरेपनि अर्थमन्त्री किरण गुरुङले सांसदहरुको काम नीति बनाउने भन्दै रकम दिन अस्वीकार गरेका थिए ।

तर, आगामी आर्थिक वर्ष २०७६/०७७ को बजेटमा भने संघीय सांसदहरुले पाउनेभन्दा आधा रकम प्रदेश सांसदहरुमार्फत खर्च गर्न पाउने व्यवस्था ल्याउन लागिएको छ । मुख्यमन्त्री पृथ्वीसुब्बा गुरुङले आईतबार प्रदेशसभा बैठक सम्बोधन गर्दै सांसदहरुको मागबमोजिम निर्वाचन क्षेत्रको लागि रकम छुट्याईने बताएका हुन् ।

मुख्यमन्त्री गुरुङले प्रत्यक्ष र समानुपातिक दुवै सांसदले रकम पाउने बताए । कार्यविधी बनाएर निर्वाचन क्षेत्र तोकेर रकम दिईने उनले बताए । उनका अनुसार प्रत्यक्ष र समानुपातिक दुवै सांसदहरुले निर्वाचन पूर्वाधार विकास कोष अन्तर्गत रकम पाउनेछन् । तर, प्रत्यक्ष र समानुपातिक सांसदले पाउने रकम भने फरकफरक हुनेछ । यसको लागि कार्यविधी बनाईने उनले बताए ।

गत असारमा सांसदहरुलाई कोष मार्फत पैसा खर्च गर्न दिने अख्तियारी दिँदा रकम दुरुपोग हुने भन्दै नदिएर वाहावाही कमाएको गण्डकी प्रदेशले आगामी आर्थिक वर्षमा भने सो अख्तियारी दिने तयारी थालेपछि आलोचकहरुले मुख्यमन्त्रीलाई केन्द्रीय दबाब आएको आँकलन गरेका छन् ।

प्रतिक्रिया
सम्बन्धित खवर

काठमाडौं । नेपाल कम्युनिस्ट पार्टी (एमाले) अध्यक्ष एवं प्रधानमन्त्री केपी शर्मा ओली २ जेठ २०७५ मा फर्किन सहमत भएका छन्

काठमाडौं । प्रधानमन्त्री केपी शर्मा ओलीले मन्त्रिपरिषद् गठन गरेका छन् । उनले यसअघि आफ्नो क्याबिनेटमा रहेका सबै मन्त्रीहरुलाई दोहोर्‍याएका छन्

काठमाडौं । नेकपा एमालेका अध्यक्ष केपी शर्मा ओली तेस्रो पटक प्रधानमन्त्री नियुक्त हुनुभएको छ । राष्ट्रपति विद्यादेवी भण्डारीले ओलीलाई नेपालको

काठमाडौँ । नेकपाका वरिष्ठ नेता माधवकुमार नेपालले राजीनामाको कुरा तत्काललाई टरेको बताएका छन्। प्रधानमन्त्री एवं नेकपा एमालेका अध्यक्ष केपी शर्मा