हिमालयन ट्राभल मार्टको तेस्रो संस्करण जेठमा

८ बैशाख २०७६, आईतवार १३:०२ मा प्रकाशित

निरोज कुमार थापा, काठमाडौँ, ८ बैशाख । हिमालयन ट्राभल मार्टको तेस्रो संस्करण जेठ २३ देखि २६ सम्म काठमाडौंमा आयोजना हुने भएको छ । नेपाललाई साहसिक पर्यटनको केन्द्र र हिमालय प्रवेशद्धारको रुपमा चिनाउने उदेश्यले २०१७ देखि वार्षिक कार्यक्रमको रुपमा प्यासिफिक एसिया ट्राभल एशोसियसन (पाटा) नेपाल च्याप्टरले यो मार्टको आयोजना गर्दै आइरहको छ ।

संस्कृति पर्यटन तथा नागरिक उड्डयन मन्त्रालय, नेपाल पर्यटन बोर्ड, नेपाल वायुसेवा निगम तथा पाटा अन्तर्राष्ट्रियले पनि सहयोग गर्दै आएका छन् । पाटा नेपाल च्याप्टरका अध्यक्ष सुनिल शाक्यले हिमालयन ट्राभल मार्ट ब्राण्डिङ्ग हुँदै आइरहको बताए । नेपाल पर्यटन बोर्डका प्रमुख कार्यकारी अधिकृत दीपकराज जोशीले ट्राभल मार्ट देशकै प्रमुख अन्तर्राष्ट्रिय मेलाका रुपमा स्थापित हुँदै गइरहेको र यसमा आयोजना गरिने बी–टु–बी कार्यक्रमले नेपालको पर्यटनलाई विश्व सामु चिनाउने काम गरेको बताए । जोशीले नेपाल भ्रमण वर्षकोे सङ्घारमा आयोजना हुन लागेको मार्टले भ्रमण सफल बनाउन पनि सहयोग गर्ने बताए ।

पाटा नेपाल च्याप्टरका प्रमुख कार्यकारी अधिकृत सुरेश सिंह बुडालले मार्टमा नेपाल, भारत, पाकिस्तान, तिब्वत ९चीन० र भुटान लगायत हिमालयन राष्ट्रहरुबाट विक्रेताहरु तथा युरोप, अमेरीका, अष्ट्रेलिया, न्यूजिल्याड, रसिया तथा एशिया र अरब राष्ट्रका क्रेताहरुको सहभागता रहने बताए ।

यस अघि सन् २०१७ मा भएको मार्टमा ५३ देशका सय २५ प्रतिनिधिहरु र सन् २०१८ मा सम्पन्न भएको मेलामा ३६ देशका १ सय ७० प्रतिनिधिहरुको सहभागिता थियो ।

प्रतिक्रिया
सम्बन्धित खवर

केदार मगर, खोटाङ । साकेला गाउँपालिका–५ मात्तिमविर्तालाई केन्द्रविन्दु बनाएर आइतबार गएको भूकम्पले हालसम्म जिल्लाभर दुई विद्यालय भवन, एक प्रहरी चौकी

म्याग्दी । म्याग्दीका पौढ महिलाहरूले बुढ्यौलीमा माध्यमिक शिक्षा परीक्षा (एसइई) उत्तीर्ण गरेर पढाइलाई उमेरले नछेक्ने भनाइलाई चरितार्थ गर्नुभएको छ ।

नवलपुर । पूर्वपश्चिम राजमार्गअन्तर्गत नवलपरासी (बर्दघाट–सुस्तापूर्व)को दाउन्नेमा यात्रुबाहक बसमा आगलागी हुँदा ३३ यात्रु घाइते भएका छन् । आज बिहान साढे

काठमाडौं । जापानका पूर्वप्रधानमन्त्री सिन्जो आबेमाथि शुक्रबार बिहान नारा सहरमा आक्रमण भएको छ । सभालाई सम्बोधन गर्ने क्रममा उनीमाथि गोली प्रहार