ओमन र नेपालबीच श्रम सम्झौता हुँदै

६ बैशाख २०७६, शुक्रबार १३:४२ मा प्रकाशित

निरोज कुमार थापा, काठमाडौँ, ६ बैशाख । नेपाल र ओमनबीच श्रम सम्झौता हुने भएको छ । श्रम समझदारी ‘एमओयु’ को मस्यौदा टुङ्गो लगाउन ओमनका प्रतिनिधि नेपाल आउने भएका छन् । नेपाल र ओमनबीच पहिलो पटक श्रम सम्झौता हुन लागेको हो ।

एमओयुको लागी पहिलो चरणको मस्यौदा आदानप्रदान भैसकेको श्रम रोजगार तथा सामाजिक सुरक्षा मन्त्रालयले जानकारी दिएको छ । पहिलो चरणको भेटमा ओमन सरकार सकारात्मक भएकोले अबको भेटले एमओयुमा सहमति जुटाउने सम्भावना रहेको मन्त्रालयले जनाएको छ । यसका लागी अप्रिल अन्तिम वा मे महिनाको पहिलो हप्तामा ओमनका श्रम तथा संशाधन अधिकारी नेपाल आउने छन् ।

यस अघि श्रम समझदारीबारे नेपाल र ओमनबिच माघ १३ र १४ गते पहिलो चरणको छलफल भएको थियो । श्रमिकलाई व्ययभार नपर्ने गरी आधारभूत अधिकार तथा सुरक्षाको ग्यारेन्टी प्रत्याभूत हुनेगरी एमओयु गर्ने मन्त्रालयको तयारी रहेको छ । न्यूनतम तलब सुविधा, अन्तराष्ट्रिय श्रम सिद्धान्त,शून्य लागतमा श्रमिक लैजानुपर्ने, भर्ना प्रक्रियामा पारदर्शी हुनुपर्ने लगाएतका विषयलाई एमओयुमा उठान गरेको मन्त्रालयका एक उच्च अधिकारीले जानकारी दिएका छन् ।

प्रतिक्रिया
सम्बन्धित खवर

केदार मगर, खोटाङ । साकेला गाउँपालिका–५ मात्तिमविर्तालाई केन्द्रविन्दु बनाएर आइतबार गएको भूकम्पले हालसम्म जिल्लाभर दुई विद्यालय भवन, एक प्रहरी चौकी

म्याग्दी । म्याग्दीका पौढ महिलाहरूले बुढ्यौलीमा माध्यमिक शिक्षा परीक्षा (एसइई) उत्तीर्ण गरेर पढाइलाई उमेरले नछेक्ने भनाइलाई चरितार्थ गर्नुभएको छ ।

नवलपुर । पूर्वपश्चिम राजमार्गअन्तर्गत नवलपरासी (बर्दघाट–सुस्तापूर्व)को दाउन्नेमा यात्रुबाहक बसमा आगलागी हुँदा ३३ यात्रु घाइते भएका छन् । आज बिहान साढे

काठमाडौं । जापानका पूर्वप्रधानमन्त्री सिन्जो आबेमाथि शुक्रबार बिहान नारा सहरमा आक्रमण भएको छ । सभालाई सम्बोधन गर्ने क्रममा उनीमाथि गोली प्रहार