गोपालप्रसाद रिमाल काव्यसम्मान अधिकारीलाई

४ बैशाख २०७६, बुधबार २२:०६ मा प्रकाशित

काठमाडौँ, ४ वैशाख । लूनकरणदास–गङ्गादेवी चौधरी साहित्यकला मन्दिरले यो वर्षदेखि गोपालप्रसाद रिमाल काव्यसम्मान प्रदान गर्ने घोषणा गरेको छ ।

साहित्यकला मन्दिरले स्रष्टासम्मानको २५औँ वर्ष पूरा गरेको अवसरमा विगत वर्षहरूदेखि नै प्रदान गरिँदै आएका विभिन्न सात सम्मानहरूका अतिरिक्त यो वर्षदेखि अग्रज कवि गोपालप्रसाद रिमालको नाममा थप एक सम्मान प्रदान गर्ने निर्णय गरेको हो ।

वरिष्ठ कवि दिनेश अधिकारीलाई रु ५१ हजार नगदका साथै प्रशस्ति–पत्रसहितको उक्त पुरस्कार यही वैशाख २७ गते प्रदान गरिने साहित्यकला मन्दिरले आज जनाएको छ ।

साहित्यकला मन्दिरले आख्यानकार पद्मावती सिंहलाई प्रशस्ति–पत्रसहित रू एक लाख एकको गङ्गादेवी चौधरी स्मृतिसम्मान, अग्रज साहित्यिक इतिहास–अनुसन्धाता मोदनाथ प्रश्रितलाई इतिहासशिरोमणि बाबुराम आचार्य शोधसम्मान, वरिष्ठ साहित्यिक पत्रकार अच्युतरमण अधिकारीलाई सरस्वतीसम्मान, लोक, आधुनिक सङ्गीतका साधक गणेश रसिकलाई नारायणगोपाल सङ्गीतसम्मान, नेपाली चित्रकला क्षेत्रका किरण मानन्धरलाई अरनिको ललितकलासम्मान र रङ्गमञ्च क्षेत्रकी अभिनेत्री भुवन थापा चन्दलाई बालकृष्ण सम रङ्गसम्मान प्रदान गर्ने भएको छ ।

त्यसैगरी फरक क्षमता भएकी सृष्टि केसीलाई नेपाल नवप्रतिभासम्मान प्रदान गरिने भएको छ । यी सबैलाई रु ५१ हजार प्रशस्ति–पत्र प्रदान गरिनेछ ।

प्रतिक्रिया
सम्बन्धित खवर

नेपालमा पहिलोपटक चिकित्सासम्बन्धी सम्पूर्ण शब्दको परिभाषा रहेको ‘चिकित्सा शब्दसागर’ विमोचन गरिएको छ । डा विपिन नेपाल, विनयकुमार शर्मा, प्रकाशमणि दाहाल

गैरआवासीय नेपाली संघ भाषा, साहित्य, संस्कृति तथा सम्पदा समितिको साप्ताहिक कार्यक्रम प्रवासी प्रवाहको चवालिसौ शृङ्खलामा नेपाल प्रज्ञा प्रतिष्ठानका कुलपति गंगाप्रसाद

वाग्मती प्रदेशको राजधानी हेटौँडाबाट साहित्य सङ्गम मकवानपुरले यस वर्ष प्रदान गर्ने साहित्य क्षेत्रमा क्रियाशील २० जनालाई विभिन्न सम्मान तथा पुरस्कारको

काठमाडौँ । साहित्यकार विन्दु अधिकारी ढकाल नवीनतम् कथासङ्ग्रह मावली दिदी लिएर आउनुभएको छ । ढकालको दोस्रो कृतिको रूपमा आएको पहिलो