‘निजी भ्रमण’मा आएका सिन्हा राजनीतिक भेटमा व्यस्त

१६ श्रावण २०६९, मंगलवार १६:३१ मा प्रकाशित

काठमाडौं, १६ साउन । ‘निजी भ्रमण’का निम्ति सोमबार बिहान काठमाडौं आएका भारतीय जनता पार्टीका वरिष्ठ नेता यशवन्त सिन्हाले राजनीतिक भेटघाटलाई तिब्रता दिएका छन् । हिजो बिहान एयर इण्डियाको उडानबाट अचानक राजधानीमा उत्रेका सिन्हाले आफू नितान्त व्यक्तिगत भ्रमणमा नेपाल आएको बताएका थिए । तर उनको अभिव्यक्तिलाई सचेत राजनीतिक तप्काले पत्याएका थिएनन् । अत्यन्त सघन संक्रमणकालीन अवस्थामा नेपाल आएका प्रभावशाली भारतीय नेताको अगमन गैरराजनीतिक उद्देश्यका लागि हो भनी पत्याउन सकिने विषय पनि होइन । नभन्दै काठमाडौं आएकै दिनदेखि सिन्हाले नेताहरुसंग भेटघाट सुरु गरे ।
नेपाली नेताहरुसंगको भेटघाट सिन्हाले एककिृत नेकपा माओवादकिा अध्यक्ष प्रचण्डबाटै सुरु गरे । सोमबार सांझ प्रचण्डको लाजिम्पाटसिथत निवासमा भएको भेटघाटको विवरण सार्वजनिक गरिएको छैन । यसै क्रममा यशवन्त सिन्हाले आज प्रधानमन्त्री बाबुराम भट्टराईसँग भेटवार्ता गरेका छन् । प्रधानमन्त्रीको सरकारी निवास बालुवाटारमा आज विहान भएको भेटवार्तामा नेपालको पछिल्लो राजनीतिक अवस्थाका बारेमा छलफल भएको प्रधानमन्त्रीको निजी सचिवालयले जनाएको छ । सिन्हाले दलहरुको सम्बन्धका बारेमा समेत चासो व्यक्त गरेका छन् भने भट्टराईलाई राजनीतिक सहमति जुटाएर गतिरोधको अन्त्य गर्न उनले सल्लाहसमेत दिएका छन् । विभिन्न दलका नेताहरुसँग भेटघाट र राजनीतिक परामर्शलाई उनले जारी राख्ने बुझिएको छ ।

प्रतिक्रिया
सम्बन्धित खवर

काठमाडौँ।सरकारले स्यानिटरी प्याडमा कुनै पनि कर वृद्धि नगरेको स्पष्ट पारेको छ । महिनावारी हुँदा महिलाले प्रयोग गर्ने स्यानिटरी प्याडमा मूल्यवृद्धि

काठमाडौँ । नेकपा एमालेको केन्द्रीय कमिटीको बैठक आजबाट सुरु हुँदैछ। ललितपुरको च्यासलस्थित तुलसीलाल प्रतिष्ठानमा विहान ११ बजे बैठक बस्ने तय

काठमाडौं । नेपाली कांग्रेसले हिमाली जिल्लाको अधिवेशन दशैँअघि नै गर्ने निर्णय गरेको छ। बिहीबार कांग्रेस पदाधिकारी र निर्वाचन समितिको छलफलबाट

चितवन । इच्छाकामना गाउँपालिका–५ नाग्दीखोलास्थित पृथ्वी राजमार्गमा काठमाडौँबाट पोखरातर्फ जाँदै गरेको कार त्रिशूली नदीमा खस्दा तीन जना बेपत्ता भएका छन्