विद्युतीय कारोवार ऐनको सहारामा पत्रकार पक्राउ रोक: नेपाल पत्रकार महासङ्घ

२ बैशाख २०७६, सोमबार २२:३५ मा प्रकाशित

काठमाडौँ, २ वैशाख । नेपाल पत्रकार महासङ्घले समाचार लेखेकै आधारमा विद्युतीय कारोवार ऐन प्रयोग गरेर पत्रकार पक्राउ गर्ने काम रोक्न माग गरेको छ । आज महासङ्घका महासचि रमेश विष्टद्वारा जारी विज्ञप्तिमा महासङ्घ कास्की शाखा सदस्य तथा ताण्डब न्यूज डटकम ९साप्ताहिक० का सम्पादक अर्जुन गिरीलाई प्रहरीले साइबर अपराधसम्बन्धी कसुरमा पक्राउ गरेको घटनाप्रति ध्यानाकर्षण भएको जनाउँदै विद्युतीय कारोवार ऐन प्रयोग गरेर पत्रकार पक्राउ गर्ने काम रोक्न माग गरिएको हो ।

‘‘समाचारको विषयलाई लिएर चित्त नबुझेमा नियमनकारी निकाय प्रेस काउन्सिलमा उजुरी गर्ने प्रावधानलाई लत्याउँदै पत्रकारमाथि विद्युतीय कारोवार ऐनमा कारवाही चलाउनु आपत्तिजनक छ’’, विज्ञप्तिमा भनिएको छ, ‘‘पत्रकारले स्वतन्त्रतापूर्वक समाचार लेख्न पाउने संवैधानिक अधिकारमाथि भएको यो हस्तक्षेपले प्रेस स्वतन्त्रता हनन भएको महासङ्घको ठहर छ ।’’ साथै महासङ्घले सम्पादक गिरीलाई तत्काल रिहाइको माग गरेको छ । विज्ञप्तिमा प्रेसको संवैधानिक अधिकारको सम्मान गर्न र पत्रकारलाई स्वतन्त्र र निर्र्भीक रूपमा काम गर्ने वातावरण बनाउनसमेत माग गरिएको छ ।

समाचार प्रकाशन गरेको विषयलाई लिएर स्थानीय वीपेन्द्रराज बतासले दिएको जाहेरीका आधारमा कास्की प्रहरीले सम्पादक गिरीलाई आज पोखराबाट पक्राउ गरेको हो ।

प्रतिक्रिया
सम्बन्धित खवर

काठमाडौं । नेपालमा गत २४ घण्टामा ७३६८ जनामा कोरोना भाइरस संक्रमण पुष्टि भएको छ । १९ हजार ५ सय ३९

काठमाडौं । प्रधानमन्त्री केपी शर्मा ओलीले लिएको सफतविरुद्ध सर्वोच्चमा रिट पेश भएको छ । प्रधानमन्त्री ओलीलाई शुक्रबार राष्ट्रपति विद्यादेवी भण्डारीले

काठमाडौँ । राष्ट्रिय ध्वजावाहक नेपाल वायुसेवा निगम (नेपाल एयरलाइन्स)ले ओमानको मस्कटबाट ५६० थान अक्सिजन सिलिण्डर ल्याएको छ । गैरआवासीय नेपाली

काठमाडौं । नेपाल पत्रकार महासंघ च्यानल नेपाल शाखाका अध्यक्ष शान्तिराम कार्कीको कोरोना संक्रमणबाट निधन भएको छ । दुई सातादेखि काठमाडौंको