अबको निकास समावेशी विकास : डा भट्टराई

२३ चैत्र २०७५, शनिबार २२:०२ मा प्रकाशित

रुपन्देही, २३ चैत । नयाँशक्ति पार्टीका केन्द्रीय संयोजक डा बाबुराम भट्टराईले अबको निकास समावेशी विकास भएकामा जोड दिनुभएको छ । मगर राष्ट्रिय परिषद् नेपालको दोस्रो सङ्घीय भेलालाई आज बुटवलमा सम्बोधन गर्दै पूर्वप्रधानमन्त्री भट्टराईले दिगो समृद्धि हासिल गर्न समावेशी विकासको बाटोमा अगाडि बढनुपर्ने धारणा राख्नुभयो ।

“सबैले समृद्धिको अनुभव गर्न पाउनुपर्छ”, उहाँले भन्नुभयो, “समावेशी, समानुपातिक र सहभागितामूलक लोकतन्त्र नभए समृद्धि प्राप्त हँुदैन ।” नेपालमा दिगो शान्ति र सुशासनका लागि पछाडि पारिएको वर्ग र क्षेत्रका समस्या समाधानका लागि सबै एक ठाउँमा उभिएर आवाज उठाउन जरुरी रहेको उहाँले बताउनुभयो । “आदिवासी जनजातिको अधिकार प्राप्तिका लागि सङ्घर्ष जरुरी छ”, डा भट्टराईले भन्नुभयो, “अब सदनभित्र र बाहिरबाट आवाज उठाउँ ।”

सरकारले सङ्घीयता कार्यान्वयनका क्रममा आदिवासी र जनजातिलाई पहिचानविहीन बनाएको टिप्पणी गर्दै उहाँले अझै पनि प्रदेश नं ७ को सिमाङ्कन मिलाउन सम्भव रहेको धारणा राख्नुभयो । विकास बजेटसमेत खर्च गर्न नसकेको सरकारबाट धेरै आशा गर्ने ठाउँ नभएको भन्दै अध्यक्ष भट्टराईले हलेदो भनेर चिनेपछि कोट्याउन जरुरी नभएको टिप्पणी गर्नुभयो ।

पार्टीको राष्ट्रिय मामिला इञ्चार्ज हिसिला यमीले सरकारले समावेशिताको मुद्धालाई कमजोर बनाएको बताउनुभयो । उहाँले देशको राजनीतिक परिवर्तनमा महत्वपूर्ण भूमिका निर्वाह गरेका जनजातिको पहिचान दिलाउन राज्यले कन्जुस्याँइ गर्न नहुने बताउनुभयो । भेलामा मगर सङ्घका केन्द्रीय अध्यक्ष नवीन रोकामगर, आदिवासी जनजाति महासङ्घका अध्यक्ष जीएस गुरुङ, नयाँशक्ति पार्टीका प्रदेश संयोजक कमल खनाल, तमु राष्ट्रिय परिषद्का संयोजक विनोद गुरुङ, मगर राष्ट्रिय परिषद्का सल्लाहकार, जनजाति नेता भीमबहादुर आले, हरिकला थापा, रामबहादुर गरौजालगायतले आदिवासी जनजातिलाई पहिचान दिलाउन माग गर्नुभएको थियो ।

प्रतिक्रिया
सम्बन्धित खवर

काठमाडौँ । जनता समाजवादी पार्टी(जसपा)का अध्यक्ष महन्थ ठाकुरले केन्द्रीय कार्यकारिणी समितिको बैठकबारे थाहा नभएको बताएका छन् । ठाकुर-महतो पक्षले वरिष्ठ

काठमाडौं । राष्ट्रिय प्रजातन्त्र पार्टी (राप्रपा)ले पार्टीको केन्द्रीय महाधिवेशन स्थगन गरेको छ । यही जेठ २२ देखि २५ गतेसम्म काठमाडौंँमा

काठमाडौं । नेपाल कम्युनिस्ट पार्टी (एमाले) अध्यक्ष एवं प्रधानमन्त्री केपी शर्मा ओली २ जेठ २०७५ मा फर्किन सहमत भएका छन्

काठमाडौं । प्रधानमन्त्री केपी शर्मा ओलीले मन्त्रिपरिषद् गठन गरेका छन् । उनले यसअघि आफ्नो क्याबिनेटमा रहेका सबै मन्त्रीहरुलाई दोहोर्‍याएका छन्