सीएनएन हिरो पुष्पा बस्नेतको ‘पुलतीको घर’ लोकार्पण

२२ चैत्र २०७५, शुक्रबार २३:२७ मा प्रकाशित

काठमाडौँ, २२ चैत । “झुसैझुस भएको कीराले सपना देख्छ रे, एक दिन रङैरङ पुतली बनेर उड्ने । जसलाई हामी झुसिलकीरा भनेर हेला गर्छौं, परपर धपाउँछौँ, राम्रो घाम, हरियो पात र रसिलो फलफूल खान पायो भने त्यही झुसिलकीराले जुनी फिर्छ । सुन्दर पुतली बन्छ ऊ ।”

“मलाई लाग्छ, समाजले झुसिलकीरा ठानेर जेलमा पुर्याएका मेरा प्रत्येक छोराछोरी सुन्दर पुतली हुन् । मात्र मौका चाहिएको छ, उनीहरुलाई झुसबाट निक्लिएर पुतली बनेर संसार डुल्नका लागि । म चाहन्छु मेरो घर त्यस्तो एक मौका बनोस् मेरा छोराछोरीका लागि । उनीहरु त्यहीँबाट जुनी बदल्न सकून् । प्रत्येक ‘झुसिलकीरा’ पुतली बनेर उड्न सकोस् ।”

माथिका हरफ अभिभावकको गल्तीका कारण अनायकमै जेल जीवन बिताउन बाध्य बालबालिकालाई उद्धार गरी उनीहरुको शैक्षिक उन्नयनका लागि आफूलाई समर्पित गर्नुभएकी समाजसेवी पुष्पा बस्नेतको जीवनीमा आधारित पुस्तक ‘पुतलीको घर’ को अंश हो । त्यही झुसिलकीराझै कारागारमा बस्न बाध्य बालबालिकालाई रङ्गीन पुतली बनाउने अभियानमा जुट्नुभएकी पुष्पा बस्नेतको जीवन भोगाइ समेटिएको ‘पुतलीको घर’ पुस्तकको आज एक कार्यक्रमबीच लोकार्पण गरियो । पत्रकार एवं लेखक विजयकुमार पाण्डेले उक्त पुस्तकको लोकार्पण गर्नुभयो ।

पुस्तक सार्वजनिक गर्दै उहाँले कारागारभित्र रहेका बालबालिकाको उद्धार गरी उनीहरुको सफल जीवनका लागि पुष्पाले उदाहरणीय कर्म गरेको बताउनुभयो । अहिलेको दुनियाँ गणितीय जीवन जीउँदै आएको सन्दर्भमा पुष्पाले आफ्नो जीवनलाई सङ्गीतको लयमा हिँडाएको उल्लेख गर्दै पत्रकार पाण्डेले यस पुस्तकले युवा पुस्तालाई सामाजिक सेवामा लाग्ने प्रेरणा दिने विश्वास व्यक्त गर्नुभयो ।

‘पुलतीको घर’का लेखक एवं पत्रकार घनश्याम खड्काले एउटी युवतीले पाएको असफलता र त्यहाँबाट उम्कन उनको हृदयले तय गरेको बाटोको कथाका रुपमा पुस्तक सार्वजनिक भएको उहाँले बताउनुभयो । पुस्तकमा ‘सिएनएन हिरो’ र ‘सिएनएन सुपरहिरो’को उपाधि विजेता पुष्पाको जीवनका आरोहअवरोहलाई विभिन्न पक्षपाटोलाई मौलिकरुपमा प्रस्तुत गरिएको छ । पुस्तकले एउटा सामान्य युवतीले अप्रचलित बाटोबाट हिँडेर बनाएको एक असामान्य संसारमा पाठकलाई डुलाइदिनेछ ।

अल्केमी प्रकाशनले प्रकाशित गरेको उक्त पुस्तकको बिक्रीबाट आउने रोयल्टी पुतलीघरका बालबालिकाको पढाइमा खर्च गरिने बताइएको छ । पुस्तकको मूल्य रु ४५० रहेको छ ।

प्रतिक्रिया
सम्बन्धित खवर

काठमाडौ । सन्नी लियोन को अवतार फेरिएको धेरै भइसकेको छ । उनी बलिउडमा अत्यन्तै छोटो समयमा धेरै र उत्कृष्ट चलचित्र

काठमाडौं । भारत सरकारले सोमबार ६७औं राष्ट्रिय फिल्म अवार्ड प्रदान गरेको छ । उपराष्ट्रपति बेकैया नायडुले सम्मानित तथा पुरस्कृत फिल्म

काठमाडौं। नायक पल शाह र गायिका समीक्षा अधिकारी केही समययता चर्चामा छन् । उनीहरूबीचको अन्तरंग सम्बन्धबारे फिल्मनगरीमा चर्चा चल्न थालेपछि यी

काठमाडौं। अभिनेत्री श्वेता तिवारी बेला बेला चर्चामा आइरहने कलाकार हुन् । उनी अहिले केपटाउनमा छिन् । टेलिभिजन शो ‘खतरों के

आजको प्रमुख समाचार