शैलुङमा होम स्टे खोल्नेलाई गाउँपालिकाको अनुदान

१९ चैत्र २०७५, मंगलवार १२:२९ मा प्रकाशित

रामेछाप र दोलखाको सिमानामा पर्ने शैलुङमा महोत्सवको आयोजना गरिने भएको छ । शैलुङलाई पर्यटकीय गन्तव्यका रुपमा विकास गर्न रामेछाप र दोलखाका स्थानीय तहले शैलुङ महोत्सवको आयोजना गर्ने भएका हुन् ।

दोलखाको शैलुङ गाउँपालिका, मेलुङ गाउँपालिका र रामेछापको दोरम्बा गाउँपालिकाले संयुक्त रुपमा वैशाख १३ देखि १५ गतेसम्म शैलुङ महोत्सवको आयोजना गर्न लागेका हुन् । पहिलो पटक हुन लागेको महोत्सव रामेछाप जिल्लामा पर्ने दोरम्बा गाउँपालिकाको खोलाखर्कमा आयोजना हुने शैलुङ गाउँपालिकाका अध्यक्ष भरत दुलालले जानकारी दिएका छन् । त्यस्तै आगमी वर्ष शैलुङ गाउँपालिकाको कालापानी र तेस्रो वर्ष मेलुङ गाउँपालिकाको फुर्केसल्लामा शैलुङ महोत्सव आयोजना हुनेछ ।

महोत्सव सम्पन्न गर्न तीनवटै स्थानीय तहका अध्यक्ष सम्मिलित मूल आयोजक समिति पनि गठन गरिएको छ । महोत्सवमा तीनओटै स्थानीय तहले रकम विनियोजन गर्नेछन् । शैलुङ क्षेत्रको पर्यटन विकासका लागि तीनओटै स्थानीय तह मिलेर ‘एकीकृत शैलुङ विकास गुरुयोजना’ बनाउने निर्णय पनि भएको छ ।

समुद्री सतहदेखी ३१४५ मिटर उच्चाइमा अवस्थित यो भु–भागमा सयवटा भन्दा धेरै एउटै आकृति र उचाइका थुम्काहरु छन् । सो क्षेत्रमा पुग्नका लागी दोलखाको कालापानीसम्म सडक यातायात पुगिसकेको छ । अहिले कालापानीदेखी शैलुङसम्म पर्यटन विभागले १.५ किलोमिटर लामो फूट ट्रेल पनि बनाउँदैछ ।

सो क्षेत्रलाई ग्रामिण पर्यटनको केन्द्रका रुपमा विकास गर्ने उदेश्यले शैलुङ गाउँपालिकाले कालापानी क्षेत्रमा होटल तथा होम स्टे सञ्चालन गर्नेलाई अनुदान दिने व्यवस्था पनि मिलाएको छ ।

प्रतिक्रिया
सम्बन्धित खवर

अंकारा । टर्कीकी महिला रुमेसा गेल्जी विश्वकै सबैभन्दा अग्ली महिला बनेकी छिन् । उनको उचाई दुई मिटर १५ सेन्टिमिटर छ

काठमाडौं । जुवातास खेल्नु कानुनविपरितको काम मानिन्छ । जुवा ऐन २०२० अनुसार जुवा खेल्दा वा खेलाउँदा पहिलोपटक पक्राउ परे दुई

काठमाडौं । विगत केही दिनदेखि परेको अविरल वर्षाका कारण आएको बाढी, पहिरो र डुबानमा परी आज बिहानसम्म ९५ जनाको मृत्यु

न्युयोर्क । कोभिड महामारी अर्को वर्ष पनि फैलिने विश्व स्वास्थ्य संगठन (डब्लूएचओ) ले प्रक्षेपण गरेको छ । गरिब देशका नागरिकले