एसईई : प्रश्नपत्र बाहिरिएपछि प्रदेश दुईकाे विज्ञान विषयकाे परीक्षा रद्द

१४ चैत्र २०७५, बिहीबार १४:०४ मा प्रकाशित

सिरहा – एसईईको चौथो दिन प्रश्नपत्र परीक्षा अगाडि नै बाहिरिएपछि प्रदेश दुईमा विज्ञान विषयकाे परीक्षा रद्द भएकाे छ ।

प्रदेश दुईका विभिन्न जिल्लमा बुधबार नै विज्ञान विषयकाे प्रश्नपत्र बाहिरिएकाे थियाे । सप्तरीमा एसईई परीक्षाको एक दिन अगावै प्रश्न पत्र आउट भएको थियाे ।

एसईई परीक्षामा सामेल भएका विद्यालयका प्रमुखहरुले एक दिन अगावै एसईई परीक्षाको प्रश्न पत्र सामाजिक सञ्जालमार्फत एक–अर्कालाई आदान प्रदान गरेको तथ्य फेला परेको छ । यस वर्षको एसईई परीक्षा अन्तर्गत विहीबार विज्ञान विषयको परीक्षा भैरहेको थियाे । तर, विज्ञान विषयको प्रश्न पत्र बुधबार राति नै आउट भएको र अर्कालाई सामाजिक सञ्जालमार्फत् शेयर गरेको पाइएको छ ।

श्रोतका अनुसार प्रश्न पत्र आउट गर्नका लागि जिल्ला शिक्षा समन्वय समितिदेखि शिक्षा क्षेत्रका माफिया र परीक्षा केन्द्रमा नै संलग्न शिक्षकहरुको मिलोमतोमा आर्थिक चलखेल गरेर प्रश्नपत्र आउट भएको श्रोतले जनाएको छ ।

त्यस्तै सिरहामा परीक्षामा अमर्यादित गतिविधि गरेको आरोपमा १० जना परीक्षार्थीहरुलाई अनुगमन समितिले परीक्षा केन्द्रबाट निष्कासन गरेको छ । निष्कासनमा परेका सबै परीक्षार्थीको आजको विज्ञान विषयको परीक्षा रद्द गरिएको जिल्ला शिक्षा समन्वय इकाई सिरहाले जनाएको छ ।

परीक्षा अनुगमन समितिले लहान नगरपालिकाको ब्रम्हान गोर्छारी परीक्षा केन्द्रबाट पाँच जना र पशुपति आदर्श मा.वि. परीक्षा केन्द्र लहानबाट ५ जना परीक्षार्थी निष्कासन गरिएको शिक्षा समन्वय इकाई प्रमुख दोलराज पाण्डेयले जानकारी दिनुभयो ।

यो परीक्षा केन्द्रबाट परीक्षा सुरु भएको केही मिनेटपछि नै प्रश्नपत्र इमोको माध्यमबाट बाहिरिएको जनाइएको छ । ब्रम्हान गोर्छारी परीक्षा केन्द्रभित्रै मोबाइल लगेका ३ जना र चिट चोरेको आरोपमा २ जना परीक्षार्थीलाई निष्कासन गरेको पाण्डेले बताउनुभयो ।

पशुपति मा.वि. परीक्षा केन्द्रबाट परीक्षामा अमर्यादिन गतिविधिको आरोपमा ५ जना विद्यार्थी निष्कासन भएका छन् ।

प्रतिक्रिया
सम्बन्धित खवर

झापा । नेकपा एकीकृत समाजवादी पार्टीका उप–महासचिव जगन्नाथ खतिवडाले मदन भण्डारी र जीवराज आश्रितको हत्याको प्रमाण केपी ओलीले लुकाएको गम्भीर

काठमाडौं ।नेकपा (एकीकृत समाजवादी)का अध्यक्ष माधव नेपालले एमालेबाट विद्रोह गर्ने क्रममा आफूलाई साथ नदिएका नेताहरुको हरिबिजोग भएको टिप्पणी गरेका छन्।

काठमाडौं ।नेपाली कांग्रेसले खानेपानी तथा ढल व्यवस्थापन आयोजना कार्यालय जनकपुरका प्रमुख राजेश कुशवाहामाथि गम्भीर दुर्व्यवहार गर्ने दोषीलाई कानुनी कारबाही गर्न

काठमाडौं । प्रमुख प्रतिपक्ष दल नेकपा एमालेका अध्यक्ष केपी शर्मा ओलीले सत्तारुढ पाँच दलीय गठबन्धनको चर्को आलोचना गरेका छन्। पूर्वप्रधानमन्त्रीसमेत