उद्घाटनमा ओली नगएपछि भारतीय दूतावासमा हंगामा

११ चैत्र २०७५, सोमबार १७:०८ मा प्रकाशित

काठमाडौं । भारतीय दूतावासले चैत ६, ७ र ८ गते आयोजना गरेको नेपाल–भारत सांस्कृतिब आदानप्रदानसम्बन्धी कार्यक्रममा प्रधानमन्त्री केपी ओली कार्यव्यस्तताको कारण देखाएर उपस्थित भएनन् । कार्यक्रमको उद्घाटन गरिदिन निमन्त्रणा पत्र लिएर राजदूत मञ्जिभसिंह पुरी आफैं १५ दिनअघि नै बालुवाटार पुगेका थिए । प्रधानमन्त्री ओलीले उत्साहित हुँदै कन्फर्म गरेका थिए । तर कार्यक्रम सुरु हुनुभन्दा ठीक एक घन्टाअघि प्रधानमन्त्रीको निजी सचिवालयबाट टेलिफोन गरियो– ‘कार्यव्यस्तताका कारण प्रधानमन्त्रीज्यू आउन सक्नुभएन ।’

कन्फर्म गरिएको कार्यक्रममा प्रधानमन्त्री ओली अनुपस्थित हुनुको कारण थियो– ‘राजदूत पुरीको चैत २ गते अचानक भएको जनकपुर भ्रमण ।’ उनी पूर्वसूचनाविनै जनकपुर–जयनगरको रेलवेको प्रगति हेर्न भन्दै जनकपुर पुगेका थिए । पूर्वराजा ज्ञानेन्द्र शाह पनि जनकपुरमै थिए । पूर्वराजा शाह स्थानीय सीताशरण होटलको चौथो तलामा बसेका थिए भने राजदूत पूरी तेस्रो तलामा बसे । उनीहरूबीच गोप्य भेटघाट भएको समाचार बाहिर नेकपाभित्रैबाट ल्याइएपछि प्रधानमन्त्री ओली कार्यक्रमा नगएको बताइन्छ । राजदूत पूरीले भने आफ्नो दुई वर्षको नेपाल बसाईमा अहिलेसम्म पूर्वराजा शाहलाई प्रत्यक्ष नदेखेको बताएका छन् । समाचार स्रोतका अनुसार एउटै होटलमा बसेको भए पनि उनीहरूबीच देखादेखसमेत भएको थिएन ।

तर ओली उक्त कार्यक्रममा नजानुको कारण यो मात्रै होइन । समाचार स्रोतका अनुसार ओलीले भारतीय प्रधानमन्त्री नरेन्द्र मोदीसँग कुराकानीका लागि पहल गरिदिन राजदूत पुरीलाई अनुरोध गरेका थिए । तर मोदी चुनावमा व्यस्त भएका कारण पुरीले समय मिलाइदिन सकेनन् । यही कारण ओली कार्यक्रममा सहभागी नभएको समाचार स्रोतको दाबी छ ।

प्रतिक्रिया
सम्बन्धित खवर

काठमाडौँ । जनता समाजवादी पार्टी(जसपा)का अध्यक्ष महन्थ ठाकुरले केन्द्रीय कार्यकारिणी समितिको बैठकबारे थाहा नभएको बताएका छन् । ठाकुर-महतो पक्षले वरिष्ठ

काठमाडौं । राष्ट्रिय प्रजातन्त्र पार्टी (राप्रपा)ले पार्टीको केन्द्रीय महाधिवेशन स्थगन गरेको छ । यही जेठ २२ देखि २५ गतेसम्म काठमाडौंँमा

काठमाडौँ । पछिल्लो २४ घण्टामा देशभर थप ८१६७ जनामा कोरोना भाइरस संक्रमण पुष्टि भएको छ । स्वास्थ्य तथा जनसंख्या मन्त्रालयका

काठमाडौं । सरकारले विभिन्न ११ वटा मुलुकमा राजदूत नियुक्तिका लागि ११ जनाको नाम सिफारिस गरेको छ । मन्त्रिपरिषदको यसअघिकै बैठकले