निजी विद्यालयलाई यस वर्ष पनि सञ्चालनको अनुमति नदिने

४ चैत्र २०७५, सोमबार २३:१८ मा प्रकाशित

ललितपुर , ४ चैत । ललितपुर महानगरपालिकाले आफ्नो क्षेत्रभित्र नयाँ निजी विद्यालयलाई यस वर्ष पनि सञ्चालनको अनुमति नदिने भएको छ ।

नगरभित्रका विद्यालयलाई व्यवस्थित गर्ने भन्दै गत वर्ष महानगरपालिकाले नयाँ निजी विद्यालयलाई सञ्चालनको अनुमति नदिने निर्णय गरेको थियो । महानगरपालिकाभित्र कम दूरीमा नै धेरै निजी विद्यालय भएकाले त्यसलाई व्यवस्थित गर्नका लागि नयाँ शैक्षिक सत्रमा पनि थप विद्यालयलाई अनुमति नदिइने महानगरपालिकाले जनाएको छ ।

महानगर क्षेत्रभित्र १८२ निजी र ४० संस्थागत गरी कुल २२२ विद्यालय छन् । नक्साङ्कनको अभावमा कम दूरीमा नै धेरै विद्यालय रहेको नगर शिक्षा अधिकारी महेन्द्रबहादुर क्षेत्रीले बताउनुभयो । उहाँका अनुसार कुमारीपाटी, लगनखेल, जावलाखेल लगायतका भित्रि भागमा कम दूरीमा धेरै विद्यालय रहेका छन् ।

अहिले सञ्चालनमा रहेका विद्यालयलाई कसरी व्यवस्थित गर्न सकिन्छ भन्ने छलफल भइरहेको उनले बताए । उनले भने, ‘निजी विद्यालय व्यवस्थापनका विषयमा सरोकारवालासँग छलफल भइरहेको छ ।’

तीन चार वर्ष पहिलेसम्म निजी विद्यालय बढिरहँदा पनि सामुदायिक विद्यालय समायोजनमार्फत कम भएको महानगरपालिकाले जनाएको छ । त्यसयता भने सामुदायिक विद्यालयको समायोजन हुन नसकेको नगर शिक्षा अधिकारी क्षेत्रीले बताए ।

ललितपुर जिल्लामा अहिले नै धेरै विद्यालय भएकाले नयाँ खोल्ने निजी विद्यालयको स्थायीत्व पनि नहुने उनले बताए । उनले भने, ‘महानगरपालिकाको उद्देश्य विद्यालय संख्या थप्नेभन्दा भएकालाई कसरी सुधार गर्ने भन्ने नै हो ।’ विद्यार्थी संख्या कम भएका विद्यालयको व्यवस्थापनका लागि महानगरपालिकाले जोड दिएको छ ।

प्रतिक्रिया
सम्बन्धित खवर

भेडाको उनबाट राडी बुन्दै रावाबेँसी गाउँपालिका–६ हौँचुरस्थित पोखरीका गुरुङ महिला । पोखरीमा उत्पादन गरिएको राडी जिल्लाका विभिन्न हाटबजार तथा बाह्य

जङ्गलमा लागेको डढेलो वस्तीमा पस्दा भोजपुरको टेम्केमैयुङ गाउँपालिका–८ गोगने सल्लेनीका स्थानीय कृषक शम्भु नेपालको क्षति भएको ड्रागन फ्रूट । तस्वीर:

बागलुङ नगरपालिका–४ पाखाथरमा मिनिटेलर हलोको सहायताले मकै छर्दै किसान । अहिले कृषिमा आधुनिकरण भित्रिएसँगै गोरुले जोत्ने कार्य घट्दै गएको छ

नेपालगन्ज । बाँकेको भेरी अस्पतालमा १९० नमुना परीक्षण गर्दा ५५.७८ प्रतिशतमा कोरोना पोजेटिभ देखिएको छ । पछिल्लो २४ घण्टामा १९०