सुविधा फर्काउने होडबाजी

१४ श्रावण २०६९, आईतवार २२:१३ मा प्रकाशित


काठमाडौं, १४ साउन । नागरिक तहबाट चर्को विरोध भएपछि पूर्व विशिष्ट अधिकारीहरुबीच सरकारी सुविधा फिर्ता गर्ने होडबाजी चलेको छ । पूर्व विशिष्ट पदाधिकारीलाई आजीवन सुविधा दिने सरकारी निर्णयको सर्वत्र विरोध हुन थालेपछि आज तीनजना पूर्वप्रधानन्यायाधीशहरुले आफूले राज्यबाट पाउंदै आएको सबै सरकारी सुविधा फिर्ता गरेका छन् । पूर्वप्रधानन्यायाधीशहरु मीनबहादुर रायमाझी, अनुपराज शर्मा र रामप्र्रसाद श्रेष्ठले आजदेखि गाडी, चालक, इन्धन र सचिवालय खर्च सुविधा परित्याग गर्नुभएको हो । नागरिकस्तरबाट विरोध भएकोले सरकारी सुविधा उपभोग गर्नु उपयुक्त नभएको भन्दै उहांहरुले सर्वोच्च अदालतलाई फर्काउनुभएको सर्वोच्चका सहप्रवक्ता हेमन्त रावलले जानकारी दिनुभयो ।
यस्तै पूर्वसभामुख सुवास नेम्वाङले पनि सरकारी सुविधा फर्काउनुभएको छ । पूर्वसभामुखको हैसियतमा प्राप्त बा १ झ ८४०१ नंबरको स्कोर्पियो जिप नेम्वाङले आजै फिर्ता गर्नुभएको हो । एमाओवादीका अध्यक्ष प्रचण्ड, एमालेका अध्यक्ष झलनाथ खनाल र एमालेका वरिष्ठ नेता माधवकुमार नेपालले पूर्वप्रधानमन्त्रीको हैसियतले पाएको सरकारी सुविधा यसअघि नै फर्काइसक्नुभएको छ भने नेपाली कांग्रेसका उपसभापति रामचन्द्र पौडेलले पनि पूर्वसभामुखको हैसियतमा पाएको सुविधा परित्याग गर्नुभएको छ ।

प्रतिक्रिया
सम्बन्धित खवर

केदार मगर, खोटाङ । साकेला गाउँपालिका–५ मात्तिमविर्तालाई केन्द्रविन्दु बनाएर आइतबार गएको भूकम्पले हालसम्म जिल्लाभर दुई विद्यालय भवन, एक प्रहरी चौकी

म्याग्दी । म्याग्दीका पौढ महिलाहरूले बुढ्यौलीमा माध्यमिक शिक्षा परीक्षा (एसइई) उत्तीर्ण गरेर पढाइलाई उमेरले नछेक्ने भनाइलाई चरितार्थ गर्नुभएको छ ।

नवलपुर । पूर्वपश्चिम राजमार्गअन्तर्गत नवलपरासी (बर्दघाट–सुस्तापूर्व)को दाउन्नेमा यात्रुबाहक बसमा आगलागी हुँदा ३३ यात्रु घाइते भएका छन् । आज बिहान साढे

काठमाडौं । जापानका पूर्वप्रधानमन्त्री सिन्जो आबेमाथि शुक्रबार बिहान नारा सहरमा आक्रमण भएको छ । सभालाई सम्बोधन गर्ने क्रममा उनीमाथि गोली प्रहार