भारतीय भन्सारमा मल रोक्का

१४ श्रावण २०६९, आईतवार २१:३२ मा प्रकाशित

विराटनगर, १४ साउन । भारत सरकारको आधिकारिक कम्पनी आइपीएलले पठाएको ३३ हजार बोरा डिएपी मल चार दिनदेखि जोगवनीस्थित भारतीय भन्सारले रोकेको छ ।
कृषि सामाग्री कम्पनी लिमिटेडको पूर्वाञ्चल क्षेत्रीय कार्यालय गोदाममा सो मल नआएका कारण किसान अहिले पनि समस्यामा छन् । आइपीएल कम्पनीको इजाजतपत्रको अवधि समाप्त भएको र नवीकरण नगरेको हुँदा नवीकरण पत्र प्राप्त नभएसम्म भारतीय भन्सारले मल ल्याउने अनुमति नदिएको कृषि सामग्रीका पूर्वाञ्चल प्रमुख दिनेश श्रेष्ठले बताउनुभयो ।
जोगवनी रेल स्टेसनमा ४०÷५० वटा ट्रकमा लोड गरिएका ट्रक नेपाल प्रवेशको पर्खाइमा छन् । साथै  जोगवनी रेल स्टेसनको खाली जमिनमा पनि १० हजार बोरा डिएपी मल राखिएको बताइएको छ । आइपीएल कम्पनीले इजाजतपत्र नवीकरण गरी जोगवनीस्थित भारतीय भन्सार कार्यालयमा कागजात पेस नगरेसम्म भारतीय भन्सारले नछोड्ने त्यहाँका कर्मचारी बताउँछन् ।

प्रतिक्रिया
सम्बन्धित खवर

काठमाडौँ । सुनचाँदी बजारमा आज छापावाल सुनको मूल्य प्रतितोला दुई सय ले बढेर रु ९७ हजार एक सय तोकिएको छ

काठमाडौँ । सुनचाँदी बजारमा आज छापावाल सुनको मूल्य प्रतितोला रु ९५ हजार ६०० तोकिएको छ । अघिल्लो दिन प्रतितोला रु

पर्सा । पालको मुख्य प्रवेशद्वार र देशकै प्रमुख व्यपारिक नाका वीरगञ्जलाई प्रयोग गरी भारत तथा तेस्रो मुलुकतर्फ हुने नेपाली वस्तुको

धितोपत्र बजारमा शेयर कारोबार मापक नेप्से परिसूचक आज पनि दोहोरो अङ्कले ओरालो लागेको छ । नेपाल स्टक एक्सचेञ्जका अनुसार नेप्से