लुटेरा समूहका एकजना पक्राउ

१४ श्रावण २०६९, आईतवार २१:२८ मा प्रकाशित

धनगढी, १४ साउन । कैलालीको अत्तरीया बजारमा रहेको एनसीसी बैंक लुट्न प्रयास गर्ने समूहमध्येका एक जनालाई प्रहरीले पक्राउ गरेको छ ।
जिल्ला प्रहरी कार्यालय कैलालीमा आज आयोजित पत्रकार सम्मेलनमा बैंक लुट्न प्रयास गर्ने समूहका डडेल्धुरा जोगबुढा घर भई हाल कैलाली मालाखेती गाविस–७ वनगाउँ बस्ने २२ वर्षीय वीरबहादुर धामीलाई सार्वजनिक गरियो ।
गत असार २९ गते राति अभियुक्त धामी समेतको समूहले एनसीसी बैंक लुट्न गरेको प्रयास बैंकका सुरक्षागार्ड र मालाखेती प्रहरी चौकीको सक्रियतामा असफल भएको थियो । प्रहरीले बैंक लुट्ने प्रयास भएको १४ दिनपछि गत शुक्रबार राति अभियुक्त धामीलाई उनी बसेकै घरबाट पक्राउ गरेको हो । गिरोहले दुई महिना अघिदेखि बैंक लुट्ने योजना बनाएको अनुसन्धानबाट पुष्टि भएको प्रहरी उपरीक्षक घनश्याम अर्यालले बताउनुभयो । अभियुक्तलाई डाँका, चोरी र हातहतियार खरखजाना ऐनअन्तर्गत कारवाही गर्न मुद्दा दायर हुने बताइएको छ ।

प्रतिक्रिया
सम्बन्धित खवर

मुगु । नेपाल विद्युत प्राधिकरणले कर्णाली प्रदेशको मुगु जिल्लामा २९९० मिटर उचाइमा अवस्थित रारा ताल क्षेत्रमा विद्युत पुर्‍याएको छ ।

काठमाडौँ । मुलुकमा फेरि कोभिड–१९ का सङ्क्रमितहरूको सङ्ख्या दिनदिनै बढ्दै गएको अवस्थामा सङ्क्रमितलाई राख्न सकिने ‘होल्डिङ सेन्टर’ भने अझै निर्माण हुन

काठमाडौँ ।  देशमा आर्थिक अराजकता बढ्दो छ, जताततै लुटतन्त्र, कमिसनतन्त्र र भ्रष्टाचार व्याप्त छ, सरकारले भ्रष्टाचार र अनियमितता रोक्न नसक्दा सार्वजनिक

कास्की। बहुप्रतिष्ठित पोखरा खानेपानी सुधार आयोजनाको काम अन्तिम चरणमा पुगेको छ ।  संघीय राजधानी काठमाडौँको मेलम्ची खानेपानी आयोजना पछिको सो आयोजनाका