प्रतिपक्षीसँग सल्लाह नै नगरि सरकारले विप्लपमाथी प्रतिवन्ध लगाएको काँग्रेशको आरोप

२८ फाल्गुन २०७५, मंगलवार २२:४२ मा प्रकाशित

२८ फागुन, काठमाडौं । प्रमुख विपक्षी नेपाली कांग्रेसले नेकपा विप्लव समूहमाथि प्रतिबन्ध लगाउनबारे सरकारले आफ्नो दलसँग कुनै परामर्श नगरेको बताएको छ ।

कांग्रेस सहमहामन्त्री डा। प्रकाशशरण महतले आफ्नो दलले हिंसात्मक गतिविधिको सँधै विरोध गर्ने बताए । तर, सरकारले सुरुदेखि विप्लव समूहको गतिविधिलाई गम्भिर रुपमा नलिएको र वार्ताका लागि गम्भिर प्रयास पनि नगरेको बताए । महतले भने, ‘विप्लव समूहबारे हामीले भन्दा उहाँहरु बढी परिचित हुनुपर्छ । तर, वार्तालाई सुरुदेखि नै जुन गम्भिरताका साथ लिनुपथ्र्यो, त्यो लिएको पाइएन । उनीहरुले आफ्नो गतिविधि गरिरहे र जनधनको क्षति भइरहृयो ।’

अहिले विप्लव समूहमाथि प्रतिबन्ध लगाउँदा पनि आफ्नो दलसँग सरकारले कुनै परामर्श नगरेको उनले प्रष्ट पारे । ‘विपक्षीसँग कुनै सम्वाद छलफल भएको छैन । उहाँहरु हामी जे सोच्छौं, त्यो नै सही हो भन्ने ढंगले चल्नु भएको छ’ पूर्वपरराष्ट्रमन्त्री समेत रहेका डा। महतले भने, ‘यो दुर्भाग्यपूर्ण हो ।’

कांग्रेस प्रवक्ता विश्वप्रकाश शर्माले भने राजनीतिक प्रतिबन्ध लगाएर मात्र समाधान नभएको बताए । हिंसात्मक गतिविधिको कांग्रेसले सँधै विरोध गर्ने तर, राजनीतिक समाधान खोज्न प्रधानमन्त्रीले पहल पनि गर्नुपर्ने उनले बताए ।

सरकारले के योजनाका साथ प्रतिबन्ध लगाएको हो थाहा नभएको भन्दै सहमहामन्त्री महतले भने भने, ‘व्यवहारिक रुपमा शान्ति सुरुक्षा कायम गर्ने योजना पनि हुनुपर्छ ।’ अनलाईन खवरमा खबर छ ।

प्रतिक्रिया
सम्बन्धित खवर

सुर्खेत । कर्णाली प्रदेशका मुख्यमन्त्री महेन्द्रबहादुर शाहीले मन्त्री परिषद् फेरबदल गर्नुभएको छ । उहाँले गत माघमा नियुक्त भएका मन्त्रीद्वय विमला

काठमाडौं । नेपालमा २४ घन्टाको अवधिमा ९ हजार ३ सय ५ जना कोरोना भाइरस संक्रमित थपिएका छन् भने १ सय

काठमाडौं । राष्ट्रिय जनता पार्टीको महन्थ ठाकुर पक्षले राष्ट्रपतिलाई बहुमतीय सरकारमा सहभागी नहुने जानकारी गराएको छ । राजपाका अध्यक्ष महन्थ

काठमाडौं । वाग्मती प्रदेशमा कोरोना सङ्क्रमणका कारण एकै दिनमा ३४ जनाको मृत्यु भएको छ । प्रदेशको सामाजिक विकास मन्त्रालयले सार्वजनिक