दमकका शरणार्थीहरूलाई तरकारी अभाव

१३ श्रावण २०६९, शनिबार १६:३४ मा प्रकाशित

दमक, १३ साउन । तरकारीको मूल्य बढेको भनेर ठेकेदारले तरकारी नदिएपछि झापा र मोरङका शरणार्थीले डेढ महिनादेखि तरकारी पाएका छैनन् । शरणार्थीसम्बन्धी राष्ट्रसङ्घीय संस्था युएनएचसिआरले लुथरन विश्व महासङ्घलाई शरणार्थीहरूको खाद्य प्रबन्ध गर्ने जिम्मा दिएको हुन्छ । तर तरकारी पु¥र्याउने जिम्मा पाएको गौरव सप्लायर्सले डेढ महिनायता शिविरमा तरकारी नपठाएपछि शरणार्थीहरू तरकारीबिनै खाना खाइरहेका छन् ।
बेलडाँगी शिविर सचिव धनवीर सुब्बाले सात हप्तायता शिविरमा तरकारी नआएको बताउनुभयो । प्रत्येक शरणार्थीले साताको २५० ग्राम तरकारी पाउँदै आएका छन् ।
ठेकेदारले लुथरनसँग गरेको सम्झौतामा मौसमअनुसारको फलफूल वितरण गर्ने सहमति हुन्छ । तर सधैँ फर्किदिएपछि शरणार्थीहरूले अस्वीकार गरेका थिए । ठेकेदार संस्थाले भने तरकारीको मूल्यमा ४० प्रतिशतले वृद्धि भएका कारण शिविरमा तरकारी पठाउन नसकिएको जनाउँदै आएको छ । उसले भनेको छ– सम्झौताको दौरानमा सब्जीको मूल्य र अहिलेमा धेरै अन्तर आइसकेको छ । शरणार्थीहरूले भने फर्सी कुहिएको र खान योग्य नभएको भनेर फिर्ता पठाउँदै आएका थिए । उनीहरूले फर्सीकै मूल्यका अन्य तरकारी दिनसमेत माग गरेका थिए । त्यस बेलादेखि शिविरमा तरकारी आयात भएको छैन । अहिले मोरडको शनिश्चरे र बेलडाँगी शिविरमा ४७ हजार शरणार्थी बस्दै आएका छन् ।

प्रतिक्रिया
सम्बन्धित खवर

बागलुङ । वर्षाका बेला बागलुङवासीले धारोमा पानी आउछ कि आउँदैन भनेर आकाशतर्फ फर्केर निक्यौल गर्ने गर्छन् । वर्षातको समयमा बागलुङमा

काठमाडौं । प्रधानमन्त्री शेरबहादुर देउवा पत्नी आरजु राणा देउवालाई कोरोनाभाइरस संक्रमण भएको छ । कोरोनाभाइरस संक्रमण भएपछि आरजु केही दिनयता

विराटनगर । निरन्तरको वर्षाले सप्तकोशी नदीमा पानीको बहाव बढेको छ । बुधबार साँझको मापनअनुसार सप्तकोशीमा पानीको बहाव १ लाख ७८

‘असारै खाउला दुधिलो मकै, साउने खाउला खिर, घरमा छैन शितलु वचन, मनमा छैन थिर । छुपुमा छुपु खेतमै रोपु, हातको