जिप दुर्घटनामा एकै परवारका १७ को मृत्यु

१३ श्रावण २०६९, शनिबार १२:१४ मा प्रकाशित

पाल्पा, १३ साउन । एकपछि अर्को गरी सडक दुर्घटनाको श्रृंखला चलिरहकै क्रममा गएको राती भएको जीप दुर्घटनामा १७ जनाको मृत्यु भएको छ । भारतबाट अस्तु सेलाउन आएको जीप राति १२ बजे दुर्घटना भए पनि आज बिहान ७ बजेमात्र दुर्घटना बारे जानकारी भएको थियो । दुर्घटनाबारे थाहा पाउंदा दुर्घटनास्थलमै १४ जनाको ज्यान गएको थियो भने बांकीको तानसेन अस्पतालमा उपचारका क्रममा मृत्यु भएको हो । मर्नेहरु एकै परिवारका सदस्य भएको बताइएको छ । मृत्यु हुनेमा ९ महिला, ४ बालबालिका र ४ पुरुष छन्। दुईको उपचार भइरहेको छ।
डीएल १ वाइ ४६७८ नम्बरको जीप दुर्घटनामा परेको हो। भारतको दिल्लीमा बस्दै आएको गुल्मी ठोर्गाका सतेन्द्र लामिछाने मगर परिवारका सदस्यहरु सबै दुर्घटनामा परेका हुन्। दिल्लीमै वितेका पिताको अस्तु विसर्जन गर्न आफ्नै भूमि आएका उनीहरुको दुर्घटनामा निधन भएको हो। मृत्यु भएकामध्ये चालक भने भारतीय नागरिक हुन्।
उद्दार गर्ने एम्बुलेन्स चालकका अनुसार राती १२ बजे दुर्घटना भएको थियेो । पाल्पा बौघापोखराथोक गाविसको जोर्ते ओरालोमा दुर्घटना भएको हो। बिहान मर्निङ वाक गर्न हिँडेका मानिसहरुले देखेपछिमात्रै दुर्घटना भएको थाहा भएको हो। मुल सडकबाट २० मिटर कच्चीबाटोतिर लागेपछि जीप खसेको देखिन्छ। दुर्घटनाको कारण खुल्न सकेको छैन। घटनास्थलमा प्रहरी नायव उपरिक्षक मीरा चौधरी सहितको प्रहरी टोली पुगेको छ। जिप करिव सय मिटर तल खसेको प्रत्यक्षदर्शीको भनाइ उदृत गर्दै चौधरीले बताइन्।

प्रतिक्रिया
सम्बन्धित खवर

काठमाडौँ । लुम्बिनी प्रदेशका नवनियुक्त मन्त्रीले पद तथा गोपनीयताको शपथ लिएका छन् । प्रदेश प्रमुख धर्मनाथ यादवले नवनियुक्त मन्त्रीहरु विजय

काठमाडौं । कोरोना भाइरसको दोस्रो लहर नेपालमा महामारीकै रुपमा फैलिन थालेको छ । सोमबार १२सय ८२ नयाँ संक्रमित थपिएका छन्

काठमाडौँ । सार्वजनिक यातायातमा सिट क्षमताभन्दा बढी यात्रु राख्न नपाइने भएको छ । सोमबार बिहान बसेको मन्त्रिपरिषद् बैठकले नयाँ भेरियन्ट

काठमाडौं । नेपाली कांग्रेसका सभापति शेर बहादुर देउवाले अहिले प्रजातन्त्रमाथि खतरा उत्पन्न भएकाले ओलीलाई प्रधानमन्त्रीबाट हटाउनुपर्ने बताएका छन् । नेपाल