वरिष्ठ पत्रकार चन्द्रलाल झा रहेनन्

१२ श्रावण २०६९, शुक्रबार १३:१५ मा प्रकाशित


काठमाडौं, १२ साउन । ‘नेपाल टाइम्स’का संस्थापक वरिष्ठ पत्रकार चन्द्रलाल झाको निधन भएको छ । लामो समयदेखि अस्वस्थ रहँदै आएका झा विगत डेढ महिनादेखि अस्पतालको बेडमै हुनुहुन्थ्यो भने बिहिबार मात्र उहां अस्पतालबाट डिस्र्चाज भई मरुटोलस्थित आफ्नै निवास आउनुभएको थियो । आज बिहान ७ बजे आफ्नै निवासमा उहांको निधन भएको उहांका कान्छो छोरा सुशील झाले जानकारी दिए ।

कुनैबेला चन्द्रलाल झाको सम्पादनमा प्रकाशित हुने नेपाल टाइम्स दैनिक (पछि साप्ताहिक)मा कुनैबेला आजका वरिष्ठ पत्रकार किशोर नेपाल, पुरुषोत्तम दाहाललगायत थुप्रै पत्रकारहरु संलग्न थिए भने नेपाली कांग्रेसका उपसभापति रामचन्द्र पौडेलसमेत सो पत्रिकामा संलग्न थिए । प्रजातन्त्रका लागि अडान लिने स्वर्गीय चन्द्रलाल झाको कट्टर प्रजातन्त्रवादी स्वभावले उनलाई पटक–पटक जेलसम्म पु¥यायो । उहांको निडर स्वभाव यतिसम्म थियो कि वीपीदेखि गणेशमान, किसुनजी, गिरिजाप्रसाद कोइराला र मनमोहन अधिकारीजस्ता नेताहरुसमेत उहांलाई सम्मान गर्दथे । अहिलेसम्मकै सबैभन्दा लामो समय प्रकाशित अंंग्रेजी दैनिक कमनरमा समेत संलग्न रहनुभएका र अविचलित रुपमा पत्रकारितामा अडिग झाको किसुनजीसँग विशेष सम्वन्ध थियो ।
स्वर्गीय झाका तीन छोरा, दुई छोरी र पत्नी हुनुहुन्छ भने उहांको आजै पशुपति आर्यघाटमा दाहसंस्कार गरिने परिवारले जनाएको छ ।

प्रतिक्रिया
सम्बन्धित खवर

काठमाडौं । प्रधानमन्त्री तथा नेकपा एमालेका अध्यक्ष केपी शर्मा ओलीले ३२ सांसदलाई कारबाही प्रक्रिया अगाडि बढाएपछि सर्वोच्च अदालत पुगेका छन्।

काठमाडौं । नेकपा एमालेका नेता माधवकुमार नेपालले प्रधानमन्त्री एवं नेकपा एमालेका अध्यक्ष केपी शर्मा ओलीसँगको भेटमा कुनै प्रगति नभएको नेता

काठमाडौं । स्वास्थ्य तथा जनसंख्या मन्त्रालयले आगामी असार महिना सम्ममा नेपालमा तीन लाख व्यक्तिमा कोभिड–१९ संक्रमण देखा पर्नसक्ने अनुमान गरेको

भारतमा कोरोना भाइरसको महामारी अति भयावह अवस्थामा पुगेको छ। पछिल्लो २४ घण्टामा मात्र भारतमा तीन लाख भन्दा बढि संक्रमित थपिएका