आजीवन सुविधाको व्यवस्था फिर्ता गराउन सर्वोच्चमा रिट

११ श्रावण २०६९, बिहीबार २१:४२ मा प्रकाशित


काठमाडौं, ११ साउन । पूर्व पदाधीकारीहरुलाई सरकारले आजिवन सुविधा दिन गरेको गरिव देशले थेग्न नसक्ने भएको भन्दै फिर्ता राउन नागरिक समाज रिले अनसनमा उत्रेको परिवेशबीच उक्त निर्णयविरुद्ध सर्वोच्च अदालतमा रिट दायर भएको छ । मुलुक र जनतासंग सरोकार राख्ने गम्भीर विषयका नकारात्मक प्रकृतिका निर्णयहरुविरुद्ध विगतमा पनि अदालतमा रिट हालेर चर्चा बटुल्दै आएका भरतमणि जंगमले सरकारविरुद्ध रिट दायर गरेका हुन् ।
बिहिबार दायर गरिएको रिटमा गरिब देशका नागरिकको रगतपसिनाबाट उठाएको रकमले राज्यको सुविधा भोग गरिसकेकाहरुलाई आजिवन सुविधा दिइरहने सरकारको नीति सरासर असंवैधानिक भएको जिकिर गरिएको छ ।
संविधानको पलन र विधि मिचेर ज्यादति गर्न खोज्नेलाई विधिको बाटोमा हिंडाउन पहलकदमी लिनुपर्ने राष्ट्रपतिबाट राज्यको ढुकुटी सखाप पार्ने मनसायले ल्याएको अध्यादेश सदर गरेर असंवैधानिक काम भएको भन्दै रिटमा उनलाई समेत विपक्षी बनाउंदै उक्त अध्यादेश बदर गर्नु पर्ने रिट निवेदकको माग छ ।

स्मरण रहोस्, गणतन्त्र आययताका पूर्व राष्ट्रपति, उपराष्ट्रपति, प्रधानमन्त्री, प्रधानन्यायाधीश वा सभामुखलाई आजिवन गाडि, आवास, सचिवालय, सुरक्षा लगायतका सुविधा दिन सरकारले अध्यादेश जारी गरिसकेको छ ।

प्रतिक्रिया
सम्बन्धित खवर

काठमाडौँ । केटोन्जी ब्राउन ज्याक्सन अमेरिकी सर्वोच्च अदालतको पहिलो अश्वेत महिला न्यायाधीश बनेकी छन् । उनले गएराती राति पद तथा

काठमाडौं । नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ र जनता समाजवादी पार्टीका संघीय परिषद अध्यक्ष डा. बाबुराम भट्टराईबीच भेटवार्ता

काठमाडौं । नेपाली कांग्रेसका पूर्वसहमहामन्त्री अर्जुननरसिंह केसी अस्पतालबाट डिस्चार्ज भएका छन् । असार १३ गते काठमाडौंको ह्याम्स अस्पतालमा भर्ना भएका

बागलुङ । वर्षाका बेला बागलुङवासीले धारोमा पानी आउछ कि आउँदैन भनेर आकाशतर्फ फर्केर निक्यौल गर्ने गर्छन् । वर्षातको समयमा बागलुङमा