किन भेटे प्रचण्डले राष्ट्रपतिलाई ?

११ श्रावण २०६९, बिहीबार ०७:०६ मा प्रकाशित

काठमाडौं, ११ साउन। तीब्र राजनीतिक उहापोह र राष्ट्रपति डा. रामवरण यादवप्रति विपक्षी दलहरुको बढ्दो असन्तुष्टिबीच एमाओवादीका अध्यक्ष प्रचण्डले राष्ट्रपति डा. यादवसँग भटेगरी उनको नाडी छाम्ने प्रयत्न गरेका छन् । कांग्रेस, एमालेलगायतका दलहरुको चर्को दबावका बावजुद राष्ट्रपतिले भट्टराई नेतृत्वको सरकारलाई हटाउने कुनै पहल नगरेको सन्दर्भलाई लोकतान्त्रिक पंक्तिले क्षोभ र आश्चर्यका साथ लिइरहेको भए पनि एमाओवादीले भने स्वाभाविक रुपमा लिएको छ भने राष्ट्रपतिलाई आफ्नो पक्षमा पार्न एमाओवादी नेतृत्वले भरपुर कसरत गरिरहेको समेत बुझिएको छ । यही रणनीतिअन्तर्गत बुधबार सांझ प्रचण्डले राष्ट्रपतिसंग भेटघाट गरेका हुन् ।
भेटमा माओवादी विस्तारित बैठकको निर्णय र दलहरुबीच भइरहेको सहमतिको प्रयासबारे छलफल भएको र राष्ट्रपतिले दलहरुबीचको सहमतिबारे चासो राखेको भनिए पनि मूलतः राष्ट्रपतिबाट कतै सरकारविरुद्ध कुनै कदम चाल्दै त छैनन् भनी बुझ्नु नै प्रचण्डको मकसद रहेको एमाओवादी निकट सुत्रले जनायो ।
भेटका अवसरमा प्रचण्डले राष्ट्रपतिको प्रशंसा गर्दै फुस्ल्याउने भरपुर प्रयत्न गरेका र त्यसमा निकै हदसम्म सफलतासमेत प्राप्त गरेको बताइन्छ । भेटपछि प्रतिक्रिया दिंदै प्रचण्डले राष्ट्रपतिले कुनै हालतमा संविधान उल्लंघन गरेर बाहिर जान नचाएको आफूले पाएको प्रतिक्रिया दिनुलाई त्यसैका कडीका रुपमा लिइएको छ ।

प्रतिक्रिया
सम्बन्धित खवर

काठमाडौँ । पहिरोका कारण सिद्धार्थ राजमार्ग र तानसेन-तम्घास सडक अवरुद्ध भएको छ । सिद्धार्थ राजमार्गका धेरै ठाउँमा पहिरो खसेको र

नवलपरासी । नवलपुर (नवलपरासी पूर्व) को मध्यविन्दु नगरपालिका-१० मा पर्ने तीन वटा खहरेखोलाको डाइभर्सन बाढीले बगाएपछि पूर्व-पश्चिम राजमार्ग अवरुद्ध भएको

बागलुङ । निरन्तरको वर्षाका कारण बागलुङका दुई ठूला राजमार्ग अवरुद्ध भएका छन् । राष्ट्रिय गौरवको आयोजनाका रूपमा रहेको मध्यपहाडी पुष्पलाल

चितवन । विकास गतिमा तीव्ररुपमा अघि बढिरहेको भरतपुर महानगरपालिकामा योजना लिएर गएपछि रित्तो हात फर्किनु पर्दैन । महानगरभित्रका वडाध्यक्षहरू योजना

आजको प्रमुख समाचार