मुखर्जीले लिए संसद भवनमा राष्ट्रपतिको सपथ

१० श्रावण २०६९, बुधबार १५:५८ मा प्रकाशित

काठमाडौं, १० साउन । भारतका नवनिर्वाचित राष्ट्रपति प्रणव मुखर्जीले पद तथा गोपनीयताको सपथ लिएका छन् । उनले आज एक विशेष समारोहबीच भारतको संसद भवनमा राष्ट्रपतिको सपथ लिएका हुन ।

मुखर्जीलाई भारतका मुख्य न्यायाधीश एसएच कपाडियाले १३ औं राष्ट्रपतिको सपथ ग्रहण गराएका हुन् । सपथका लागि लागि भारतीय राष्ट्रपतिको कार्यालयबाट संसद भवनसम्म राष्ट्रपति प्रतिभा पाटिल र नवनिर्वाचित राष्ट्रपति मुखर्जी सैनिक स्कटिङमा संसद भवन पुगेका थिए । सपथपछिको पहिलो संबोधनमा मुखर्जीले भारतमा गरिबी हटाउनका लागि देशका सबै शक्ति लाग्नुपर्नेमा जोड दिएका थिए ।
करिब चार दसकलामो समयसम्म भारतीय काँग्रेसको सक्रिय राजनीतिमा रहेका मुखर्जी राष्ट्रपतिमा निर्वाचित हुनुअघि भारतका एकजना वरिष्ठ राजनीतिज्ञका रुपमा रहेका थिए । पूर्व अर्थमन्त्री एवम् वरिष्ठ राजनीतिज्ञ प्रणव मुखर्जी भारतको राष्ट्रपति पदमा आइतबार विजयी भएका थिए । भारतको संविधान अनुसार राष्ट्रपति पद भारतमा औपचारिक (सेरेमोनियल) पद हो । भारतको केन्द्रीय तथा राज्यस्तरका सांसदहरुले मतदान गरेका सो निर्वाचनमा राष्ट्रपति मुखर्जीले करिब ७१ प्रतिशत मत प्राप्त गरेका थिए ।

प्रतिक्रिया
सम्बन्धित खवर

बंगलादेशमा एउटा विवाहको जन्तीमाथि चट्याङ पर्दा १७ जनाको मृत्यु भएको छ । घटनामा बेहुलासहित अन्य १४ जना घाइते भएका छन्

विश्वभरी कोरोनाभाइरसबाट सङ्क्रमितको साप्ताहिक सङ्ख्या बढ्दै गएको पाइएको छ । यही जुलाई १७ देखि २५ सम्मको सात दिनमा त्यसको अघिल्लो

बेइजिङ । कोरोना भाइरसको उद्गमस्थल चीनमा पछिल्लो समयमा नयाँ सङ्क्रमितहरु भेटिने क्रम बढेको बताइएको छ । चीनमा आइतबार कोरोना भाइरसका

सिड्नी । अष्ट्रेलियाको संघीय राजधानी सिड्नीमा संकटकाल घोषणा गरिएको छ । कोरोनाभाइरसको महामारी बढ्दै गएकाले त्यसलाई न्युनिकरण गर्नका लागि शुक्रबार