सतायो कैदीबन्दीलाई उडुस र उपियाँले

१० श्रावण २०६९, बुधबार १३:११ मा प्रकाशित

धनकुटा, १० साउन । क्षमताभन्दा बढी कैदीबन्दी रहेको जिल्ला कारागार धनकुटाका कैदीबन्दीले उडुस र उपियाँका कारण सुत्न सकेको छैनन् । उडुस र उपियाँले सताएपछि रातभर जाग्रराम बस्नुपरेको कैदीवन्दीहरुको गुणासो छ ।
जिल्ला अदालतको पुरानो भवनमा रहेको कारागार भवन जीर्ण बनेको छ । कारागारभित्र चिसो र ओसिलो भएपछि उडुस, उपियाँ र लामखुट्टे बढी मात्रामा लाग्ने गरेको कारागारका चौकीदार दीपक तामाङले बताए । उनले भने, ‘हामीले उडुस र उपियाँ मार्ने विषादी पटक पटक माग गरेका छौं, तर, कारागार व्यवस्थापन पक्षले दिएन ।’
२५ जनाको क्षमता रहेको ‘घ’ श्रेणीको कारागारमा ४० पुरुष, तीन महिला र १ आश्रित बालकसहित ४४ कैदी तथा थुनुवा छन् । सरकारले दैनिक रुपमा दिँदै आएको सिदा र सुविधाबापतको खर्च समयमा कारागार व्यवस्थापन विभागले निकासा नदिँदा केही समयअघि कैदीबन्दी भोकै पनि बसेका थिए । ‘कारागारभित्र पिउने पानीको पनि अभाव छ,’ चौकीदार तामाङले भने, ‘पानीको अभावमा कैदीबन्दी चिउरा खाएर रात गुजारिरहेका छन् ।’
कारागारका जेलर नरेन्द्र आचार्य भर्खरै सरुवा भएर गएको र दरबन्दीअनुसार कर्मचारी नआएकाले कारागारको प्रशासनिक कार्यमा समेत समस्या आएको सहलेखापाल रञ्जित शाहले स्वीकार गरे । उनले कारागारभित्र पिउने पानीको अभाव रहेकाले कैदीबन्दीका लागि बाहिरबाट पानी किनेर ट्यांकरमा बोकाएर ल्याई उपलब्ध गराइएको बताए ।
क्षमताभन्दा बढी कैदीबन्दी भएपछि सुत्ने कोठाको अभाव हुँदा पालोपालो गरी सुत्नुपर्ने बाध्यता रहेको पनि कैदीबन्दीले बताए । उनीहरुले पत्रपत्रिका, पाठयपुस्तक, टेलिभिजन पनि अभाव रहेको बताए । कारागार व्यवस्थापनले किनेको टेलिभिजन पुरानो भएर बिग्रिएपछि कैदीबन्दीले पैसा संकलन गरेर टेलिभिजन किनेर हेर्ने गरिएको नाइके निरज राईले बताए ।

प्रतिक्रिया
सम्बन्धित खवर

लण्डन । कोरोना संक्रमणले तीन साताभित्र विदेशमा पछिल्ला तीन साताभित्र थप ३९ जना नेपालीको निधन भएको छ । गैरआवासीय नेपाली

काठमाडौँ । नेकपा एमालेका अध्यक्ष केपी शर्मा ओलीले माधवकुमार नेपाललगायतलाई पार्टीमा कुनै ठाउँ नभएको बताएका छन् । काठमाडौँ जिल्ला कमिटीको

काठमाडौं । सरकारले कोरोना भाइरस सङ्क्रमणविरुद्धको खोप आगामी असोजमसान्तसम्म एक करोड ८३ लाख ८२ हजार ८५० मात्रा ल्याउने भएको छ

झापा । विर्तामोडको एउटा होटलमा २२० डोज भेरोसिल खोपसहित स्वास्थ्य शाखा विर्तामोडका फोकल पर्सन ओमबहादुर खड्कालाई प्रहरीले नियन्त्रणमा लिएको छ