सुन्दरीघाटमा सुकुम्वासी राख्ने निर्णयबाट सरकार पछि हट्यो

९ श्रावण २०६९, मंगलवार २०:३१ मा प्रकाशित

काठमाडौं, ९ साउन । थापाथलीका सुकुम्वासीलाई सुन्दरीघाटमा राख्ने सरकारी निर्णयविरुद्ध ललितपुरवासीको आवाज बुलन्द भएपछि अन्ततः सरकार उक्त निर्णयबाट पछि हटेको छ । आज बिहान सिंहदरबारस्थित प्रधानमन्त्री कार्यालयमा बसेको बैठकले सुन्दरीघाटमा सुकुम्वासी नराख्ने निर्णय गरेको हो । काठमाडौं उपत्यका विकास प्राधिकरणका आयुक्त केशव स्थापितले सुन्दरीघाटको विकल्पमा ठाउँको छनोटका लागि पनि छिट्टै टुंगोमा पुगिने बताएका छन् । यता, गत आइतबार र सोमबार ललितपुर जिल्ला बन्द गरी दबाब दिएका सुन्दरीघाटवासीले सरकारले लिखित रुपमा प्रतिवद्धता गर्न पनि आग्रह गरेका छन्। मलपोखरी संरक्षण संघर्ष समितिका अध्यक्ष सूर्यमान महर्जनले पनि सरकारले तत्काल विकल्प दिने बताएका छन्। मंगलबारको ललितपुर बन्द स्थगित गरी बिहान बसेको बैठकमा प्रधानमन्त्री कार्यालयका सचिव लीलामणि पोखरेल र प्रधानमन्त्री पत्नी हिसिला यमि पनि सहभागी थिइन्। सरकारले अहिले सुन्दरीघाटमा २३ वटा अस्थायी टहराको निर्माण गरिसकेको छ, त्यसका लागि सहरी विकास तथा भवन निर्माण विभागले करिब १२ लाख खर्च गरिसकेको छ।

प्रतिक्रिया
सम्बन्धित खवर

लण्डन । कोरोना संक्रमणले तीन साताभित्र विदेशमा पछिल्ला तीन साताभित्र थप ३९ जना नेपालीको निधन भएको छ । गैरआवासीय नेपाली

काठमाडौँ । नेकपा एमालेका अध्यक्ष केपी शर्मा ओलीले माधवकुमार नेपाललगायतलाई पार्टीमा कुनै ठाउँ नभएको बताएका छन् । काठमाडौँ जिल्ला कमिटीको

काठमाडौं । जनता समाजवादी पार्टी (जसपा)को संसदीय दलको नेतामा उपेन्द्र यादव चयन हुनुभएको छ । सो पार्टीले नेता नवराज सुवेदीको

काठमाडौं । मदन पुरस्कार २०७७ को प्रारम्भिक सूचीमा ९ वटा पुस्तक परेका छन् । मदन पुरस्कार गुठीले शुक्रबार ९ वटा