माओवादी महाधिवेसन आयोजक समितिको बैठक बस्दै

९ श्रावण २०६९, मंगलवार ०९:५३ मा प्रकाशित

काठमाडौ, ९ साउन । एकीकृत नेकपा माओवादीको महाधिवेसन आयोजक समितिको बैठक आज बस्दैछ । विस्तारित बैठकका निर्णयको कार्यान्वयन र महाधिवेसन अघिको तयारीका विषयमा छलफल गर्न आयोजक समितिको बैठक बस्न लागेको हो । दिउँसो १ बजे पार्टी मुख्यालय कोटेश्वर पेरिसडाँडामा बस्ने बैठकमा विस्तारित बैठकको समीक्षा र विस्तारित बैठकले गरेका निर्णय कार्यान्वयन लगायका विषयमा छलफल हुने पोलिट्व्युरो सदस्य शक्ति बस्नेतले जानकारी दिनुभयो । महाधिवेसनको तयारी सँगै विस्तारित बैठकले गरेको निर्णय, सरकारले गरेको पछिल्ला निर्णय, सेना समायोजनको प्रक्रिया, लडाकुहरुको असन्तुष्टि लगायतका विषयमा छलफल हुने बस्नेतले बताउनुभयो । बैठकमा पार्टी अध्यक्ष पुष्पकमल दाहाल प्रचण्ड र उपाध्यक्ष बाबुराम भट्टराईको सचिवालय परिवर्तन, नेताहरुको सांगठनिक कार्यविभाजन, महाधिवेसन आयोजक समिति विस्तारको बारेमा पनि छलफल हुनेछ । त्यसअघि अहिले बिहान पदाधिकारीको अनौपचारिक बैठक बस्ने तयारी छ ।  एकीकृत नेकपा माओवादीले माघमा महाधिवेसन गर्ने भने पनि मिति तय भइसकेको छैन ।

प्रतिक्रिया
सम्बन्धित खवर

गएराति आएको हुरीबतासले धनमालको क्षति भएको छ । प्रारम्भिक सूचनानुसार जिल्लामा ५० घरको छाना उडाएको जानकारी रेडक्रसले जनाएको छ ।

काठमाडौँ । नेपालमा पछिल्लो २४ घण्टामा थप ९०० जनामा कोरोना भाइरस संक्रमण पुष्टि भएको छ । फेला परेकोमा काठमाडौँ उपत्यकामा

खोटाङ । जन्तेढुङ्गा गाउँपालिका–५ चिसापानीका ३७ वर्षीय विज्ञान कोइरालालाई बेपत्ता भएको १९ वर्षपछि घर फर्काइएको छ । नेपालगञ्जमा भेटिनुभएका विज्ञानलाई

काठमाडौँ । कर्णाली प्रदेश सरकारमा मुख्यमन्त्री महेन्द्रबहादुर शाहीको पक्षमा मतदान गर्ने नेकपा एमाले (नेपाल-खनाल पक्ष) का चार जना सांसदहरूलाई कारबाही