नागरिकता विधेयक गैर आवासीय नेपालीको हितमा संसोधन गर्न सहयोग गर्नेछौँः माधव नेपाल

१९ भाद्र २०७५, मंगलवार ०९:०९ मा प्रकाशित

एटलाण्टा, १९ भदौ । नेपाली अमेरिकनको हितमा क्रियाशील रहेको दावी गर्दै आएका संस्थाहरु, नेपलिज इन अमेरिकाज, (एएनए), नाशा र अन्माले संयुक्त रुपमा पहिलो पटक आयोजना गरेको नेपाली नेशनल कन्भेन्सन आइतबार सम्पन्न भएको छ । शिकागोको होटल हिल्टनमा आयोजित सम्मेलन शुक्रबार शुरुभै आइतबार सम्पन्न भएको हो ।
प्रमुख अतिथि एमाले नेता माधवकुमार नेपालले अमेरिकामा आर्जन गरेको उन्नत ज्ञान, सिप र श्रोत साधनलाइ नेपालको हितमा समेत उपयोग गर्न आग्रह गरे । “यहाँ सिकेको सिप र क्षमतालाइ मातृभुमीको हितमा लगाउन आग्रह गरे । नेता नेपालले गैर आवासीय नेपालीले विमति राखेको नागरिकता विधेयकलाइ उनिहरुको मर्म अनुकुल संसोधन गर्ने आफुले सक्ने सहयोग गर्ने प्रतिवद्धता समेत जनाए । सम्मेलनमा अधिकांश नेपाली अमेरिकनले गैरआवासीय नेपाली नागरिकता सम्बन्धी बिधेयक सच्याउनका लागी नेपाल सरकारलाई आग्रह गरेका थिए । सम्मेलनमा सहभागी हान आएका अर्का अतिथि एवं पुर्वअर्थमन्त्रि सुरेन्द्र पाण्डेले सरकार समृद्धिको यात्रामा लागेको बताउदै बिदेशका नेपालीलाइ सहयोगको लागी आग्रह गरे भने नेपाली कांग्रेसका प्रवक्ता विश्वप्रकाश शर्माले नेपाली पहिचानको निरन्तरलाइ अवरोध गर्ने नागरिकता विधेयक सच्याउनु पर्ने बताउदै कांग्रेसले त्यसमा पुर्ण सहयोग गर्ने प्रतिवद्धता जनाए ।

नेपाली अमेरिकन प्राज्ञ, व्यवसायी र सामाजीक अभियन्ताहरुको उपस्थिति रहेको कार्यक्रममा अमेरिकाका लागी नेपाली राजदुत अर्जुन कार्कीले सम्मेलनले नेपाली एकता र भाइचाराको सन्देश दिन सफल भएको टिप्पणि गरेका थिए । सम्मेलनको मुख्य संयोजक एवं अन्मा अध्यक्ष बाला धिमिरेले तिनवटा ठुला संस्थाहरुको एकताले सामुदायमा हौसला जागेको बताएका थिए । अध्यक्ष बाला धिमिरेले भने, ‘हाम्रो उद्धेश्य नेपाली अमेरिकनको सेवा हो र हामि निरन्तर नेपाली समुदायको हितमा लाग्ने छौँ ।’ नाशा अध्यक्ष माधव ढकाल र एएनए अध्यक्ष मेदिनी अधिकारिले एकतालाइ दिर्धकालसम्म लैजाने तयारि भैरहेको जानकारि दिएका थिए । उद्घाटन समारोहमा नेपाली कांग्रेसका आमन्त्रित केन्द्रिय सदस्य तथा जनसंपर्क समिति अमेरिकाका सभापति आनन्द विष्ट, अवैतनिक महाबाणिज्यदुत प्रेमराजा महत, एनआरएनए युएसए अध्यक्ष केशव पौडेल, प्रवासी नेपाली मंचका अध्यक्ष प्रभु थापा, राष्ट्रिय आविश्कार केन्द्रका महाविर पुन, व्यवसायी रामसी पोखरेल, नेजाका महासचिव किरण मरहट्ठा, प्राज्ञ तुल्सि धरेल लगायतले मन्तव्य राखेका थिए ।

सम्मेलनमा नेपाली अमेरिकनको सरोकारको विषयहरुमा सेमिनारहरु संचालन गरिएको थियो । कार्यक्रमको आकर्षणको रुपमा रहेका महाविर पुनले राष्ट्रिय आविश्कार केन्द्रको बारेमा नेपाल फोरममा कार्यपत्र प्रस्तुत गरेका थिए । लगानी तथा रोजगार फोरम, महिला सशक्तिकरण फोरम, विज्ञान तथा प्रविधि फोरम, पर्यटन सम्बन्धी सेमिनार र कानूनी फोरम संचालन गरिएको थियो ।
कन्भेन्सनको पहिलो दिन सम्पन्न मिट एण्ड ग्रिटमा नेपालबाट आएका बरिष्ठ नेताहरु तथा ख्यातिप्राप्त कलाकारहरुको उपस्थिति थियो । सम्मेलनमा लोकप्रिय कलाकारहरु प्रमोद खरेल, हिमाल सागर,निमा रुम्बा र सत्यस्वरुप आचार्य, नेहा आचार्य, कर्मा व्याण्ड र स्थानिय कालकारहरुले गितसंगीत प्रस्तुत गरेका थिए भने खेलकुद र साहित्य प्रतियोगिताहरु पनि संचालन गरिएको थियो । सम्मेलनमा एएनए, नाशा, अन्माले नेशनल कन्भेन्सनको सम्बन्धमा एक संयुक्त प्रतिबेदन पनि प्रस्तुत गरेका थिए । कार्यक्रममा नेपाल अमेरिका पत्रकार संघले पुर्वप्रधानमन्त्री माधवकुमार नेपालसंग नेपालको सामयीक विषयमा अन्तक्र्रिया आयोजना गरेको थियो जसको सहजीकरण संस्थाका महासचिव किरण मरहट्ठा र पत्रकार सुर्य थापाले गरेका थिए । सम्मेलनको अर्को आकर्षणको रुपमा रहको छ नेपाली पपुलर फिल्म अवार्ड आइतबार साँझ सम्पन्न भयो । अवार्ड कार्यक्रम नेपाल मोसन पिक्चर्स एसोसिएसनको सहकार्यमा सम्पन्न भएको हो । विभिन्न समाजिक व्यक्तित्वहरुलाइ अमेरिकी राष्ट्रपति कार्यलयबाट प्रदान गरिएको प्रेसिडेन्ट भोलेन्टिएर्स अवार्ड पनि हस्तान्तरण गरिएको थियो

प्रतिक्रिया
सम्बन्धित खवर

काठमाडौं । प्रधानमन्त्री तथा नेकपा एमालेका अध्यक्ष केपी शर्मा ओलीले ३२ सांसदलाई कारबाही प्रक्रिया अगाडि बढाएपछि सर्वोच्च अदालत पुगेका छन्।

भारतमा कोरोना भाइरसको महामारी अति भयावह अवस्थामा पुगेको छ। पछिल्लो २४ घण्टामा मात्र भारतमा तीन लाख भन्दा बढि संक्रमित थपिएका

काठमाडौं । आज देशका धेरैजसो स्थानमा बिहानैदेखि वर्षा भइरहेको जल तथा मौसम विज्ञान विभागले जनाएको छ। देशका विभिन्न क्षेत्रमा आज

काठमाडौँ । सरकारले विभिन्न पाँच देशमा वैदेशिक अध्ययन स्वीकृति पत्र (नो अब्जेक्सन लेटर) दिन रोक लगाएको छ । मुलुकमा कोभिड-१९