मधेसी पत्रकार र मन्त्रालयबीच वार्ता

८ श्रावण २०६९, सोमबार १८:१५ मा प्रकाशित

काठमाडौं, ८ साउन । सञ्चार माध्यमको संरचना तथा विषय वस्तुलाई समावेशी बनाउन माग गर्दै गत साउन २ गतेदेखि रिले अनसनमा बसेका मधेसी पत्रकार र सूचना तथा सञ्चार मन्त्रालयबीच आज भएको वार्ता पुनः बस्नेगरी स्थगित भएको छ ।

मधेसी पत्रकारका मागमा मन्त्रालयले गृहकार्य गरी पुनः वार्ता गर्ने सहमति भई वार्ता स्थागित भएको हो ।

सूचना तथा सञ्चारमन्त्री राजकिशोर यादवले मन्त्रालय समावेशीकरणको मागप्रति सकारात्मक रहेको बताउनुभयो ।

मधेसी पत्रकारका करिब २७ वटा संस्थाले सञ्चारमाध्यमका समाचारकक्ष तथा प्रसारण÷प्रकाशनका सामाग्रीलाई समावेशी बनाउनका लागि मन्त्रिपरिषद्बाट अधिकार सम्पन्न उच्चस्तरीय आयोग गठन गर्न माग गरेका छन् ।

मधेसका एफएम स्टेसनहरू इन्टरनेसनल टेलिकम्युनिकेसन युनियन( आइटियु) मा दर्ता गराउने तथा सरकारी सञ्चारमाध्यमको सञ्चालक समिति, पदपूर्ति समिति, नीति, समाचार कक्ष, प्रकाशन÷प्रसारण लगायतका पक्षहरू तत्काल समावेशी गर्न पनि माग पनि गरिएको छ ।

त्यस्तै निजी सञ्चारमाध्यमको हकमा समावेशी नीति तर्जुमा गर्ने, मधेसमा पत्रकारिता प्रशिक्षण केन्द्रहरूको स्थापना गर्ने, उच्च शिक्षाका लागि सरकारद्वारा छात्रवृत्तिको व्यवस्था गर्ने, सञ्चारमाध्यमको वर्गीकरण तथा नवीकरण गर्दा ती सञ्चारमाध्यमले समावेशी चरित्रको भएको सुनिश्चित गर्ने माग पनि राखिएको छ ।

यसैबीच राष्ट्रिय प्रजातन्त्र पार्टी नेपालले मधेसी पत्रकारहरुका मागप्रति एक्यबद्धता जनाएको छ ।

प्रतिक्रिया
सम्बन्धित खवर

बैतडी । हतौडा प्रहारबाट बैतडीमा आज एक बालकको हत्या भएको छ । दशरथचन्द नगरपालिका–१ झोकालीका १५ वर्षीय महेश भुलको हत्या

चितवनको माडी नगरपालिका–९ अयोध्याधाममा राम, सीता, लक्ष्मण र हनुमानको पूर्णकदका मूर्ति स्थापना गरिने भएपछि निर्माण कार्य तीव्ररुपमा अगाडि बढेको छ

गएराति आएको हुरीबतासले धनमालको क्षति भएको छ । प्रारम्भिक सूचनानुसार जिल्लामा ५० घरको छाना उडाएको जानकारी रेडक्रसले जनाएको छ ।

खोटाङ । जन्तेढुङ्गा गाउँपालिका–५ चिसापानीका ३७ वर्षीय विज्ञान कोइरालालाई बेपत्ता भएको १९ वर्षपछि घर फर्काइएको छ । नेपालगञ्जमा भेटिनुभएका विज्ञानलाई