शेयर बजार: अर्ब बढीको कारोबार

२४ असार २०७५, आईतवार ००:०९ मा प्रकाशित

काठमाडौँ, २३ असार । धितोपत्र बजारमा यस साता रु एक अर्ब ३३ करोड ७३ लाख ३३ हजार बराबरको शेयर कारोबार भएको छ ।

नेपाल स्टक एक्सचेन्जकाअनुसार कूल १८४ कम्पनीको ४२ लाख ५४ हजार पाँच सय ५० कित्ता शेयर खरिद बिक्री भएका छन् । कारोबार रकम गत साताको भन्दा २८ दशमलव ३९ प्रतिशत बढी हो ।

गत साता १८६ कम्पनीको ३६ लाख ७९ हजार छ सय कित्ता शेयर रु एक अर्ब चार करोड १६ लाख २३ हजारमा खरिद बिक्री भएका थिए ।

साताको नेप्से परिसूचक पहिलो दिनको तुलनामा ३९ दशमलव ८८ अंकले बढेर अन्तिम दिन एक हजार २२४ दशमलव ४१ अंकमा पुगेको छ । ‘क’ वर्गका कम्पनीको कारोबार मापन गर्ने सेन्सेटिभ परिसूचक पहिलो दिनको तुलनामा आठ दशमलव ३४ अंकले बढेर २५७ दशमलव ४६ अंकमा आइपुगेको छ ।

यस साता कारोबार रकमको आधारमा नेसनल लाइफ इन्स्योरेन्स कम्पनी लिमिटेड अग्रस्थानमा छ । सो बैंकको रु सात करोड ४२ लाख ३० हजार बराबरको शेयर कारोबार भएको छ । यस्तै कारोबार भएको शेयर संख्याका आधारमा प्राइम कमर्सियल बैंक लिमिटेड अग्रस्थानमा छ । सो बैंकको एक लाख ५५ हजार कित्ता शेयर कारोबार भएको छ ।

यससाता नेपाल स्टक एक्सचेन्जको कारोबार कक्ष नियमित कारोबारका लागि पाँच दिन खुला रह्यो । यस साता पनि ऋण पत्रतर्फ संस्थागत तथा सरकारी ऋणपत्रको कुनै पनि कारोबार भएन ।

विभिन्न ६ कम्पनीका शेयर सूचीकृत

यस साता विभिन्न ६ कम्पनीका शेयर स्टकमा सूचीकृत भएका छन् । त्यसमा ओम डेभलपमेन्ट बैंकको ३७ लाख ८१ हजार ७३ कित्ता बोनस, सूर्योदय लघुवित्तको दुई लाख ८० हजार कित्ता हकप्रद, देवः विकास बैंकको ६५ लाख ३३ हजार १०८ कित्ता हकप्रद शेयर सूचीकृत भएको छ ।

यस्तै मञ्जुश्री फाइनान्सको तीन लाख ६२ हजार १९० कित्ता हकप्रद र कर्णली डेभलपमेन्ट बैंकको एक लाख २० हजार ८०० कित्ता बोनस र आरएमडीसी लघुवित्तको तीन लाख ४६ हजार ६० कित्ता बोनस शेयर सूचीकृत भएको छ ।

प्रतिक्रिया
सम्बन्धित खवर

काठमाडौँ । इमर्जिङ नेपाल लिमिटेडले साधारण शेयर बिक्रीका लागि निष्काशन तथा बिक्री प्रबन्धक नियुक्त गरेको छ । कम्पनीले आज जारी

तनहुँको बन्दीपुर गाउँपालिकाको संस्थागत स्वमूल्याङ्कन नतिजा सार्वजनिक भएको छ । सङ्घीय मामिला तथा सामान्य प्रशासन मन्त्रालयले स्थानीय तहहरुको संस्थागत क्षमता

काठमाडौं । साधारण शेयर बिक्री गर्ने क्रममा बैंकिङ फाइनान्स एण्ड इन्स्योरेन्स इन्स्टिच्युट अफ नेपाल लिमिटेड (बिएफआइएन) पनि जोडिने भएको छ

काठमाडौं । स्वदेशी लगानीमा निर्धाणाधीन ४५६ मेगावाटको माथिल्लो तामाकोशी जलविद्युत् आयोजनाको काम अन्तिम चरणमा पुगेको छ । बाँध, सुरुङ, प्रसारण