नयाँ सरकार गठनको पहल थाल्न राष्ट्रपतिसमक्ष कांग्रेसको आग्रह

७ श्रावण २०६९, आईतवार १५:०४ मा प्रकाशित

 

काठमाडौं, ७ साउन । सभापति शुशिल कोइराला लगायत कांग्रेसका अन्य शीर्ष नेताहरुले राष्ट्रपति डा.रामवरण यादवसंग भेट गरी नयाँ सरकार गठनको पहल थाल्न आग्रह गरेका छन् ।
राष्ट्रपति भवन शितल निवासमा आज विहान भएको भेटमा राष्ट्रिय सहमतिको सरकार गठनका लागि आह्वान गर्न राष्ट्रपति डा.यादवलाई आग्रह गरेका हुन् । कामचलाउ सरकारका प्रधानमन्त्री बाबुराम भट्टराईले घोषणा गरेको नयाँ निर्वाचन नहुने निश्चित भएको भन्दै कांग्रेस नेताहरुले राष्ट्रपति डा.यादवलाई आवश्यक कदम चाल्न पुनः आग्रह गरेको भेटपछि कांग्रेस नेताहरुले बताए ।
निर्वाचनसँग बाझिएका कानून संशोधनका लागि निर्वाचन आयोगले दिएको समय सकिएकाले गतिरोध अन्त्य गर्न राष्ट्रपति डा.यादवले संविधानको संरक्षकका रुपमा भूमिका निर्वाह गर्न सुझाव दिएको भेटपछि कांग्रेस नेताहरुले बताए । उनीहरुले छिटो भन्दा छिटो राष्ट्रिय सरकार बनाई मुलुकलाई निकास दिनुपर्ने उल्लेख गरे ।
भेटपछि कांग्रेस उपसभापति रामचन्द्र पौडेलले वर्तमान राजनीतिक समस्या समाधानका लागि संविधान संरक्षकको हैसियतले राष्ट्रपतिको भूमिका के हुन सक्छ त्यो उहाँले नै सोच्ने विषय भएको बताए । मुलुकले राजनीतिक र संवैधानिक समाधान खोजेको छ, कामचलाउ सरकार कति दिनसम्म राख्दा उपयुक्त हुन्छ त्यसबारे सबैले सोचेर राष्ट्रिय सहमति कायम गरी अघि बढ्नु उचित हुने पौडेलले बताए ।
राष्ट्रपति डा.यादवलाई भेट्न कांग्रेस सभापति सुशील कोइराला, वरिष्ठ नेता शेरवहादुर देउवा र उपसभापति रामचन्द्र पौडेल राष्ट्रपति भवन पुगेका थिए । डेढ घण्टा लामो भेटमा राष्ट्रपति डा.यादवले गतिरोध अन्त्य गर्न राजनीतिक सहमति आवश्यक पर्ने भएकाले त्यसका लागि पहल गर्न कांग्रेस नेताहरुलाई पनि आग्रह गरेका थिए ।
आफू संविधानको संरक्षक भएकाले संविधान बाहिर गएर कुनै पनि काम नगर्ने राष्ट्रपति डा.यादवको भनाई थियो ।

प्रतिक्रिया
सम्बन्धित खवर

काठमाडौं । आठ वर्षअघि सुन्दरी प्रतियोगिताकी एक प्रतिस्पर्धीले आफूमाथि आयोजकले बलात्कार र यौन शोषण गरेको घटना सार्वजनिक गरेसँगै काठमाडौंको माइतीघरमा

हेटौंडा । स्थानीय तह निर्वाचन २०७९ अन्तर्गत हेटौंडा उपमहानगरपालिकाको अन्तिम मत परिणाम सार्वजनिक भएको छ । उपमहानगरपालिकाको मेयर पदमा नेकपा

काठमाडौं । प्रदेश सांसदबाट राजीनामा दिएर तीन जना नेता स्थानीय तह निर्वाचनमा लडे । करोडौं बजेट परिचालन गर्न पाइने र

कैलाली । कैलालीको लम्कीचुहा नगरपालिकाको मेयर र उपमेयरमा सुशीला शाही र जुना चौधरी निर्वाचित भएका छन् । नेपाली कांग्रेसबाट शाही