संविधानसभाको पुनः निर्वाचन हुन सक्दैन – फोरम अध्यक्ष यादव

६ श्रावण २०६९, शनिबार १७:४४ मा प्रकाशित

ललितपुर, ६ असार । मधेसी जनअधिकार फोरम नेपालका अध्यक्ष उपेन्द्र यादवले मुलुकमा पुनः संविधानसभाको निर्वाचन हुन नसक्ने बताउनुभएको छ ।     बालकुमारीस्थित पार्टी केन्द्रीय कार्यालयमा मधेसी युवा फोरम–नेपालको काठमाडौँ जिल्ला अधिवेशनको आज उद्घाटन गर्दै उहाँले चार वर्र्षको अवधिमा असफल सिद्ध भइसकेको संविधानसभा पुनःस्थापना गर्नु आत्मघाती र लोकतन्त्रविरोधी कदम हुन्छ भन्नुभयो ।
अध्यक्ष यादवले ठोस विकल्पको रुपमा उच्चस्तरीय राजनीतिक सहमति गरेर संसदको निर्वाचनमा जानुपर्ने भन्दै संविधान निर्माण गर्दा विगतको संविधानसभाले गरेका महत्वपूर्ण कार्यलाई आधार मानी विज्ञहरूको सहयोग लिएर एकीकृत मस्यौदा बनाउने र त्यसलाई संसदबाट अनुमोदन गराउनुपर्ने बताउनुभयो ।

कार्यक्रममा मधेसी जनअधिकार फोरम नेपाल ललितपुरका अध्यक्ष राजकुमार थापा र भक्तपुरका अध्यक्ष सुरेन्द्र प्रधानले अहिलेको अवस्थामा देशलाई नयाँ गति दिन युवाशक्तिको खाँचो रहेको बताउनुभयो ।
मधेसी युवा फोरम–नेपाल काठमाडौंका अध्यक्ष दीलिप पटेलले परिवर्तनका संवाहक युवा वर्ग सकारात्मक र रचनात्मक काममा सक्रिय हुनुपर्ने सुझाव दिनुभयो ।

प्रतिक्रिया
सम्बन्धित खवर

काठमाडौँ । नेकपा माओवादी केन्द्रले राष्ट्रिय सभाका सदस्य चन्द्रबहादुर खड्कालाई पनि हटाएको छ । खड्काले दल त्याग गरेको सूचना माओवादी

काठमाडौ । नेपाल कम्युनिष्ट पार्टी (एमाले) का अध्यक्ष केपी शर्मा ओलीले माधव नेपाल पक्षकालाई हटाएर स्थायी समिति गठन गरेका छन्

काठमाडौं । आन्तरिक किचलोका कारण बिभाजनको अन्तिम बिन्दुमा पुगेको बेला सत्तारुढ नेकपा एमालेको दशौं महाधिवेशन आयोजक समितिको बैठक आज बस्दैछ

काठमाडौं । स्वास्थ्य तथा जनसंख्या मन्त्रालयले आगामी असार महिना सम्ममा नेपालमा तीन लाख व्यक्तिमा कोभिड–१९ संक्रमण देखा पर्नसक्ने अनुमान गरेको