भरतमोहन अधिकारीद्वारा लिखित ‘संसद्देखि संविधानसभासम्म’ विमोचन

२२ बैशाख २०७५, शनिबार २२:२९ मा प्रकाशित

काठमाडौँ, २२ वैशाख । प्रधानमन्त्री केपी शर्मा ओलीले नेकपा (एमाले) का नेता एवं पूर्व उपप्रधानमन्त्री भरतमोहन अधिकारीद्वारा लिखित पुस्तक ‘संसद्देखि संविधानसभासम्म’ आज विमोचन गर्नुभएको छ ।

प्रधानमन्त्री निवास बालुवाटारमा आज आयोजित कार्यक्रममा प्रधानमन्त्री ओलीले नेता अधिकारीले महत्वपूर्ण पुस्तक लेख्नुभएको बताउनुभएको उहाँका प्रेस संयोजक चेतन अधिकारीले जानकारी दिनुभयो ।

प्रधानमन्त्री ओलीले भन्नुभयो, “आफ्नो जीवन भोगाइका विभिन्न घटनालाई सिलसिलेबार ढंगले प्रस्तुत गर्नुभएको छ । यसले नयाँ पुस्तालाई त्यसबेलाको राजनीतिका बारेमा जानकारी दिन्छ ।”

प्रधानमन्त्री ओलीले सबैलाई लेखन परम्परा सिक्न पनि आग्रह गर्नुभएको छ । “नेपालीका पूर्खाले रामायण, वेदजस्ता ग्रन्थहरु लेखे”, प्रधानमन्त्री ओलीले भन्नुभयो, “हाम्रा पूर्खाको जेनेटिक मेमोरी हामीमा पनि सरेकाले लेख्नलाई हामीलाई गाह्रो हुँदैन ।”

घोष्ट राइटिङ नेपालले प्रकाशन गरेको कार्यक्रममा यस पुस्तकका बारेमा पूर्व प्रधानमन्त्रीहरु माधवकुमार नेपाल, लोकेन्द्रबहादुर चन्द, मन्त्रिपरिषद्का पूर्व अध्यक्ष खिलराज रेग्मीलगायतले बोल्नुभएको थियो ।

कार्यक्रममा प्रधानमन्त्री ओलीले अधिकारीको ८२औँ जन्मोत्सवका अवसरमा सु–स्वास्थ्य, दीर्घायुको कामना गर्दै केक काटेर अधिकारीलाई खुवाउनुभएको थियो ।

प्रतिक्रिया
सम्बन्धित खवर

काठमाडौं । सरकारले विभिन्न ११ वटा मुलुकमा राजदूत नियुक्तिका लागि ११ जनाको नाम सिफारिस गरेको छ । मन्त्रिपरिषदको यसअघिकै बैठकले

काठमाडौं । नेपाल कम्युनिस्ट पार्टी (एमाले) अध्यक्ष एवं प्रधानमन्त्री केपी शर्मा ओली २ जेठ २०७५ मा फर्किन सहमत भएका छन्

काठमाडौं । प्रतिसिलिन्डर ४ सय रुपैयाँमा किनेको अक्सिजनलाई कतिसम्ममा बेच्न पाइन्छ ? कालोबजारीसम्बन्धी ऐनले २० प्रतिशतसम्म नाफा लिन छुट दिन्छ।

काठमाडौं । समाजसेवी उत्तम कार्कीले वडास्तरीय आइसोलेसन सेन्टरका लागि १८ थान अक्सिजन सिलिण्डर सहयोग गर्नुभएको छ । मुलुकमा अक्सिजन अभाव