एमाओवादी सर्वसत्तावाद थोपर्न उन्मुख भएको कोइरालाको आरोप

५ श्रावण २०६९, शुक्रबार १४:३५ मा प्रकाशित

सुन्दरीजल, ५ साउन । नेपाली काँग्रेसका सभापति सुशील कोइरालाले भइसकेका सहमति समझदारी उल्टाउने र कार्यान्वयन नगर्ने गरेर एमाओवादीले सर्वसत्तावाद लाद्न खोजेको आरोप लगाउनभएको छ ।

तीसौँँ बिपी स्मृति दिवसका अवसरमा नेपाली काँग्रेस क्षेत्र नं ४ काठमाडौँले आज चुनीखेलमा आयोजना गरेको वृक्षरोपण कार्यक्रमलाई सम्बोधन गर्दै सभापति कोइरालाले माओवादीले बाह्रबुँदे समझदारीदेखि पछिल्लो पटकको राज्य पुनःसंरचनासम्मका सहमतिमा आफूखुसी व्याख्या गर्ने र  कार्यान्वयन नगर्ने गरेकाले नै जेठ १४ मा संविधान नआएको हो भन्नुभयो ।

पार्टी केन्द्रीय सदस्य सुप्रभा घिमिरे र काँग्रेस काठमाडौँका सभापति भीमसेनदास प्रधानलगायतले वर्तमान अन्योल हटाउन मेलमिलाप नीतिअनुरुप काँग्रेसकै नेतृत्वमा कदम लिइनुपर्ने बताउनुभयो ।

क्षेत्रीय सभापति न्हुच्छेनारायण श्रेष्ठको सभापतित्वमा सम्पन्न कार्यक्रममा विभिन्न जातका एक हजार वृक्ष रोपिएको थियो ।

प्रतिक्रिया
सम्बन्धित खवर

काठमाडौँ । कर्मचारी समायोजनसम्बन्धी विवादमा सर्वोच्च अदालतको फैसला सार्वजनिक भएसँगै लोकसेवा आयोगलाई सम्पूर्ण परीक्षा सञ्चालन गर्न बाटो खुलेको छ ।

काठमाडौँ । नेपाली कांग्रेसका नेता प्रदीप गिरीको निधन भएको छ । क्यान्सर रोगबाट पीडित नेता गिरीको आज राति ९:३० बजे

काठमाडौँ । देशभर आंशिकदेखि सामान्य बदली रही तीन प्रदेशमा भारी वर्षा हुने भएको छ । जल तथा मौसम विज्ञान विभागका

काठमाडौँ । काठमाडौँको बालाजुमा रहेको जुत्ता कारखानामा आगलागी भएको छ ।काठमाडौँ महानगरपालिका–१६ बालाजु बाइपास नजिकको एक घरमा केहीबेर अगाडि आगलागी