सरकार विरोधी आन्दोलनका क्रममा निकारागुवामा ३४ जनाको मृत्यु

१३ बैशाख २०७५, बिहीबार २३:५६ मा प्रकाशित

मानागुवा, १३ वैशाख । विगत एक हप्तादेखि भइरहेको सरकार विरोधी आन्दोलनका क्रममा निकारागुवामा ३४ जनाको मृत्यु भएको छ ।

राष्ट्रपति डानियल ओर्टेगा र सामाजिक सुरक्षा पुनरावलोकनसम्वन्धी कानूनका विरुद्धमा भइरहेको आन्दोलनका क्रममा उनीहरुको मृत्यु भएको हो ।

यही अप्रिल १८ देखि निकारागुवाका विभिन्न ठाउँमा ठूलाठूला प्रदर्शन भएका सञ्चार माध्यमले जनाएका छन् ।

आन्दोलनकारीले ७२ वर्षीय वामपन्थी नेता र उहाँकी श्रीमती तथा उपराष्ट्रपति रोसारिओ मुरिल्लो विरुद्ध चर्को आक्रोस पोखेका छन् ।

आन्दोलनका क्रममा पसल तथा घर तोडफोड लुटपाट हुनुका साथै हिंसात्मक आक्रमण भएका छन् ।

सामाजिक सुरक्षा सुधारसम्बन्धी नयाँ कानूनको विरोधमा सुरु भएको आन्दोलन राष्ट्रपति ओर्टेगाले कानून फिर्ता लिँदासमेत आन्दोलन रोकिएको छैन ।

सडक आन्दोलनमा विद्यार्थीको सहभागीता बढ्दै गएपछि आन्दोलनकारी, प्रहरी, विभिन्न समूहका बीचमा छुट्टा छुट्टै हानाहान भएका छन् ।

झडपका क्रममा ढुङ्गामुढा, चक्कुलगायतका हतियारको प्रयोग भएको समाचारमा जनाइएको छ ।

अन्य पक्षको घुसपैठ र बहुपक्षीय झडप भएपछि प्रदर्शन कसैको नियन्त्रणभन्दा बाहिर गएपछि थप त्रास फैलिएको छ ।

ओर्टेगाले आन्दोलनकारीलाई वार्तामा आउन पटकपटक आग्रह गरेपनि प्रदर्शनको नेतृत्व गर्दै आएका नेताले भने सरकारले विपक्षीमाथि दमन रोकेपछि मात्रै वार्तामा बस्ने अडान लिएका छन् ।

गत बुधबार पेन्सन र सामाजिक सुरक्षा भत्ता कटौतीको घोषणा सोमबार फिर्ता लिनुभएको थियो । ‘आइएनएसएस’ भनि नामाकरण गरिएको उक्त आदेशले मूख्यरुपमा निवृत्तिभरणमा प्रभाव पार्ने बताइएको छ ।

सन् २००७ सालमा पहिलो पटक राष्ट्रपति बन्नुभएका ओर्टेगा अहिले राष्ट्रपतिका रुपमा चौथो कार्यकाल सम्हाल्नुभएको छ ।

प्रतिक्रिया
सम्बन्धित खवर

कोरोना संक्रमण उच्च भएको भारतमा मृतकको संख्या अत्याधिक हुनथालेपछि शव व्यवस्थापनमा समस्या भएको छ । बीबीसीका अनुसार उत्तरी भारतको गंगा

नयाँ दिल्ली । कोरोनाभाइरस महामारीको दोस्रो लहरका कारण निकै प्रभावित भएको भारतमा पछिल्लो २४ घण्टामा कोरोनाभाइरस (कोभिड–१९) बाट संक्रमितको संख्या

काबुल, २६ बैशाख (रासस–सिन्ह्वा) – अफगानिस्तानको काबुलस्थित एउटा बालिका माध्यमिक विद्यालय बाहिर भएका तीन वटा बिस्फोटमा परेर मृत्यु हुनेको संख्या

नयाँ दिल्ली, २६ बैशाख (रासस–एएनआई) – भारतमा लगातार चौथो दिन कोरोनाभाइरस संक्रमितको संख्या चार लाखभन्दा बढी पाइएको छ । केन्द्रीय