रोजगारीका लागि दोहोर्याएर कोरिया जान पाइने

५ श्रावण २०६९, शुक्रबार ११:३२ मा प्रकाशित


काठमाडौं, ५ साउन ।  नेपाली युवाको लागि दक्षिण कोरिया एक आकर्षक बैदेशिक रोजगारीको गन्तव्य हो । कामका लागि कोरिया जान नेपाली युवायुवतीहरु मरिहत्ते गर्ने गरेका छन् । यिनै बेरोजगार नेपाली युवाका लागि एउटा खुशीको खबर छ ।
गत मंगलबार नेपाल सरकार र दक्षिण कोरियाली सरकारबीच भएको श्रम सम्झौता अनुसार एकपटक कोरिया पुगेर फर्केका नेपाली कामदार पुनः बैदेशिक रोजगारका लागि त्यहाँ जान पाउने भएका छन् । यसअघि एकपटक कोरिया गएर फर्केपछि कामको सिलसिलामा पुनः त्यहाँ जान नपाउने व्यवस्था थियो । सम्झौतामा एकपटक पुगेर फर्किएका कामदारले भाषा परीक्षा लगायतको प्रक्रिया पनि पुरा गर्नुनपर्ने उल्लेख छ ।
‘६ बर्र्षदेखि एउटै कम्पनीमा काम गरेर फर्किएका कामदारले श्रम सम्झौता लिएर आएमा पनि त्यहाँ काम गर्न जान पाउने भएको छ,’ रोजगार अनुमति प्रणाली कार्यालयका संयोजक महेश आर्चायले भने, ‘यो व्यवस्थाले कामदारलाई थप फाइदा पुगेको छ ।’ नयाँ व्यवस्था अनुसार नेपाली कामदारले ४ बर्ष १० महिना काम गर्न पाउने भएका छन् । यसअघि ३ बर्षसम्ममात्र काम गर्न पाउने व्यवस्था गरिएको थियो । दक्षिण कोरियामा रोजगार अनुमति प्रणाली अनुसार झन्डै १४ हजार नेपाली कामदार त्यहाँ पुगीसकेका छन् ।

प्रतिक्रिया
सम्बन्धित खवर

काठमाडौँ । पहिरोका कारण सिद्धार्थ राजमार्ग र तानसेन-तम्घास सडक अवरुद्ध भएको छ । सिद्धार्थ राजमार्गका धेरै ठाउँमा पहिरो खसेको र

नवलपरासी । नवलपुर (नवलपरासी पूर्व) को मध्यविन्दु नगरपालिका-१० मा पर्ने तीन वटा खहरेखोलाको डाइभर्सन बाढीले बगाएपछि पूर्व-पश्चिम राजमार्ग अवरुद्ध भएको

बागलुङ । निरन्तरको वर्षाका कारण बागलुङका दुई ठूला राजमार्ग अवरुद्ध भएका छन् । राष्ट्रिय गौरवको आयोजनाका रूपमा रहेको मध्यपहाडी पुष्पलाल

चितवन । विकास गतिमा तीव्ररुपमा अघि बढिरहेको भरतपुर महानगरपालिकामा योजना लिएर गएपछि रित्तो हात फर्किनु पर्दैन । महानगरभित्रका वडाध्यक्षहरू योजना

आजको प्रमुख समाचार