एपिएफ क्वार्टर फाइनलमा प्रवेश

८ बैशाख २०७५, शनिबार ००:४० मा प्रकाशित

इलाम, ७ वैशाख । इलाममा जारी चौथो अन्तर्राष्ट्रिय आमन्त्रण माई भ्याली गोल्डकप फुटबल प्रतियोगितामा सशस्त्र प्रहरी बलको एपिएफ क्वार्टरफाइनलमा प्रवेश गरेका छ ।
एपिएफले आज पाहुना टोली बंगलादेशको कावरान प्रगति संघलाई ३–१ ले पराजित गरेको हो । एपिएफले शुरुआतमै पाएको अवसरलाई गोलमा परिणत गर्दै अग्रता लियो । खेल शुरु भएको १०औँ मिनेटमा नै एपिएफका स्ट्राइकर युवराज खड्काले गोल गर्दै खाता खोले । बंगलादेशका रक्षा पन्तीले पेनाल्टी क्षेत्रमा गरेको कमजोरीको फाइदा उठाउँदै खड्काले गोल गरे । पैँतीसौँ मिनेटमा एपिएफले अग्रता दोब्बर बनायो । एपिएफका रूपबहादुर लामाले विपक्षी दुई डिफेन्डरलाई छक्याएर गरेको प्रहार बंगलादेशका गोलरक्षक राजीवले बचाउ गर्ने मौका नै पाएनन् ।

पहिलो हाफमा २–० ले पछि परेको बंगलादेशले दोस्रो हाफमा पनि खेल सुधार गर्न सकेन । खेलको ४८औँ मिनेटमा एपिएफले पुनः गोल गरी ३–० को अग्रता कायम ग¥यो । बंगलादेशका तर्फबाट खेलको ७८औँ मिनेटमा अलामजीले सान्त्वना गोल फर्काए । बंगलादेशलाई रक्षात्मक खेल्न समेत हम्मेहम्मे परेको थियो । बंगलादेशले केही राम्रा अवसर गोलमा परिणत गर्न सकेन । खेलमा एपिएफका रूपबहादुर ‘म्यान अफ दी म्याच’ घोषित भए । उनले रु १० हजार र चाँदीको पदक प्राप्त गरे । प्रतियोगिताका विजेताले रु पाँच लाख र उपविजेताले रु तीन लाख पुरस्कार पाउनेछन् ।

प्रतिक्रिया
सम्बन्धित खवर

जोसे मोरिन्हो इटालियन क्लब रोमाको प्रशिक्षकमा नियुक्त भएका छन् । टोटनह्यामको प्रशिक्षकबाट बर्खास्त भएका जोसे केही हप्ता भित्रै रोमाको प्रशिक्षकमा

काठमाडौं । नेपाल सुपर लिगअन्तर्गत सोमबार सम्पन्न खेलमा जीत हासिल गर्दै विराटनगर सिटी एफसी लिगको शीर्षस्थानमा उक्लेको छ । विराटनगरले

रोम । इन्टरमिलान एघार वर्षपछि इटालियन सिरि-ए च्याम्पियन बनेको छ । हिजो साँझ एट्लान्टाले सासुओलासँग १-१ गोलको बराबरी खेलेपछि इन्टरको

ईन्डियन प्रिमियर लिग (आईपीएल) टी–ट्वान्टी क्रिकेटमा साविक विजेता मुम्बई इन्डियन्सले रोमान्चक जित निकालेको छ । दिल्लीमा गएराति भएको रोमान्चक खेलमा